2024-жылы дүйнө жүзү боюнча шайлоолордун саны болуп көрбөгөндөй көп болот деп күтүлүүдө. Ошентсе да көптөрдүн саясатка болгон ишеними азайгандан азайып баратат.

•   Америкада жүргүзүлгөн сурамжылоого катышкандардын көпчүлүгү «саясатчылардын көбү» элдин камын ойлогондун ордуна, «өз көмөчүнө күл тартарын» айтышкан a («Пю» изилдөө борбору, 2023-жыл, 19-сентябрь).

 Көптөгөн жаштар да саясатка ишенбей калды.

•   «Бир сурамжылоодон өспүрүмдөрдүн маанилүү маселелердин чечилишине кызыкдар экени айкын болгон. Бирок ал өспүрүмдөр бийликтегилердин ошол маселелерди чечпей жатканын айтышкан» («Нью-Йорк таймс», 2024-жыл, 29-январь).

•   «Бир билдирүүгө ылайык, жаштар саясий төбөлдөргө караганда, ютуберлерге көбүрөөк ишенет» («The Korea Times», 2024-жыл, 22-январь).

 Саясатчылар жашоону жакшы жакка өзгөртө аларына ишенсек болобу? Деги кимге таянсак болот?

 Адамдар кимге таянып жатканына жеңил ойлуу карабашы керек. Себеби Ыйык Китепте: «Тажрыйбасыз ар бир сөзгө ишене берет, ал эми баамчыл өз кадамдарына көңүл бурат»,— деп жазылган (Накыл сөздөр 14:15).

•   Кайсы маалыматка ишенсе болорун аңдай билиш үчүн «Бурмаланган маалыматтан жаа бою качкыла!» деген макаланы окуп көргүлө.

 Канчалык чынчыл, канчалык ниети жакшы болбосун, саясатчылар ойлогон оюнун баарын ишке ашыра албайт. Ошон үчүн Ыйык Китепте мындай деп айтылат:

•   «Аттуу-баштууларга, куткара албай турган адам баласына таянбагыла» (Забур 146:3).

 Ыйык Китепте Кудай жөндөмү жагынан теңдеши жок, эң эле ишеничтүү башкаруучуну дайындаганы айтылат. Ал — Иса Машаяк (Лука 1:32, 33). Иса — Кудайдын Падышалыгынын Падышасы. Кудайдын Падышалыгы — асмандан бийлик жүргүзгөн өкмөт (Матай 6:10).

•   Эмне үчүн Исага ишенсек болорун жана ал биз кабылып жаткан кыйынчылыктарды кантип чечерин билиш үчүн «Кудайдын Падышалыгынын Падышасы ким?» жана «Кудайдын Падышалыгы эмнелерди ишке ашырат?» деген макалаларды окуп көргүлө.