Ишеничтүү деп эсептелген кишилер элдин ишеничин актабай калганда, көптөрдүн көңүлү кайт болот. Эл төмөнкүлөргө ишенбей калды:

•   өз көмөчүнө күл тарткан саясий төбөлдөр,

•   бурмаланган, так эмес маалыматты жайылткан маалымдоо каражаттары,

•   элди ойлобогон илимпоздор,

•   Кудайдын өкүлү болгондун ордуна, саясатты кош колдоп колдогон диний жетекчилер.

 Кимдир бирөөгө ишеним артууда көптөрдүн сак болгону туура. Ыйык Китепте төмөнкүдөй эскертүү камтылат:

•   «Аттуу-баштууларга, куткара албай турган адам баласына таянбагыла» (Забур 146:3).

  Кудайдын Сөзүндө кимге ишенсек болору жазылган. Ал — Иса Машаяк. Иса тек гана байыркы заманда жашаган жакшы киши болгон эмес. Кудай аны Падыша кылып дайындап, «анын Падышалыгынын акыры болбой» турганын айткан (Лука 1:32, 33). Ооба, Иса — Кудайдын Падышалыгынын Падышасы. Анын Падышалыгы, Өкмөтү, учурда асмандан башкарып жатат (Матай 6:10).

•   Иса Машаякка эмне үчүн ишенсеңер болорун билиш үчүн төмөнкү макалаларды окуп көргүлө: «Кудайдын Падышалыгынын Падышасы ким?» жана «Кудайдын Падышалыгы эмнелерди ишке ашырат?»