Дүйнөлүк саламаттык сактоо уюмунун (ДССУ) билдирүүсүнө ылайык, 2022-жылдын 23-майына чейин дүйнө жүзү боюнча COVID-19 оорусунан 6 270 000ден ашуун киши көз жумган. Анткен менен 2022-жылдын 5-майында чыккан жаңылыктарда ДССУ өлгөндөрдүн саны андан да көп болушу мүмкүн экенин билдирген. Ошондой эле анда 2020—2021-жылдар аралыгында «өлүмүнө COVID-19 илдети себеп болгон адамдардын саны 14 900 000ге чукулдаганы» айтылган. Жүрөк сыздаткан ушундай каргашалар тууралуу Ыйык Китепте эмнелер жазылган?

•    Иса пайгамбар «акыркы күндөрдө» жугуштуу ооруулардын, башкача айтканда, коркунучтуу илдеттердин эпидемиялары болорун алдын ала айткан (Лука 21:11; 2 Тиметей 3:1).

 Анын пайгамбарлыгынын аткарылып жатканына бүгүн биз күбө болуп жатабыз. Бул тууралуу көбүрөөк билгиңер келсе, «Кайсы белги „акыркы күндөрдө“ же „акыркы убакта“ жашап жатканыбызды көрсөтүп турат?» деген макаланы окуп көргүлө.

•    «Ар кандай жагдайда сооротуучу Кудай... кандай кыйынчылыкка кабылбайлы, сооротот» (2 Корунттуктар 1:3, 4).

 Жакындарынан айрылган көптөгөн адамдар Ыйык Китептеги кабарды окуп соороно алышат. Бул тууралуу көбүрөөк билиш үчүн «Күйүттү кантип көтөрүп кетүүгө болот?» жана «Күйүт тарткандарды жубаткан кабар» деген макалаларды окуп көргүлө.

•   «Падышалыгың келсин. Асмандагыдай эле, жерде да сенин эркиң аткарылсын» (Матай 6:10).

 Жакында «Кудайдын Падышалыгы» оору аттуунун баарын жок кылат. Ошондо жер бетинде жашаган бир да адам: «Ооруп жатам»,— дебей калат (Марк 1:14, 15; Ышая 33:24). Асмандагы ал өкмөт тууралуу жана ал эмнелерди ишке ашырары тууралуу көбүрөөк билгиңер келсе, «Кудайдын Падышалыгы деген эмне?» деген видеону көргүлө.

 Ыйык Китепте жазылган кеңештер жана Кудайдын убадалары силерге жана үй-бүлөңөргө чоң пайда алып келет. Андыктан силерди ошол тууралуу көбүрөөк билүүгө чакырабыз.