Бийлер 1:1—36
1 Жашыя көз жумгандан кийин+, Ысрайыл уулдары Жахабадан: «Канаандыктар менен согушканы кимибиз биринчи барабыз?» — деп сурашты+.
2 Жахаба: «Жүйүт барат+. Мен ал жерди ага берем»,— деди.
3 Ошондо Жүйүт бир тууганы Шымонго: «Мага үлүшкө тийген жерге+ мени менен чогуу бар, канаандыктар менен согушалы. Биз да кийин сени менен сага үлүшкө тийген жерге+ барабыз»,— деди. Шымон аны менен жөнөдү+.
4 Ошентип, Жүйүт уулдары согушканы барышты. Жахаба канаандыктар менен периздерди алардын колуна салып берди+. Алар Безекте душмандарынын 10 000 кишисин өлтүрүштү.
5 Безектен алар Адонибезек менен беттешип, ага сокку уруп, канаандыктар+ менен периздерди+ талкалашты.
6 Адонибезек качып жөнөгөндө, алар анын артынан кууп жетип, кармап алышты да, колу-бутунун баш бармактарын кесип салышты.
7 Ошондо Адонибезек: «Мен колдору менен буттарынын баш бармактарын кесип салган жетимиш падыша үстөлүмдөн түшкөн тамакты терип жешчү эле. Мен аларды кандай кылсам, Кудай да мени ошондой кылды»,— деди+. Алар аны Иерусалимге+ алып келишти. Ал ошол жерде өлдү.
8 Жүйүт уулдары Иерусалимге+ да каршы согушуп, аны басып алышты да, тургундарын кылыч менен кырып, шаардын өзүн өрттөп жиберишти.
9 Анан тоолуу аймакта, Негепте+ жана Шепелада+ жашаган канаандыктар менен согушканы барышты.
10 Ошентип, алар Хеброндо+ (мурун Кириат-Арба деп аталчу)+ жашаган канаандыктар менен согушуп, Шешайды, Акиманды, Талмайды өлтүрүштү+.
11 Ал жактан Дебирдин+ тургундары менен согушканы жөнөштү. (Дебир мурун Кириат-Сепер деп аталчу.)+
12 Ошондо Калеп+: «Ким Кириат-Сеперди басып алса, ага кызым Аксаны+ аялдыкка берем»,— деди+.
13 Аны Калептин иниси+ Кеназдын+ уулу Отниел+ басып алды. Калеп ага кызы Аксаны аялдыкка берди+.
14 Күйөөсүнүн үйүнө кетерде Акса атасынан жер сураганга күйөөсүн көндүрө баштады. Анан Акса эшектин үстүндө отуруп алаканын чапканда+, Калеп андан: «Эмне каалайсың, кызым?» — деп сурады.
15 Ал: «Мага батаңызды бериңиз+. Сиз мага түштүктөн жер бердиңиз, эми Гулот-Маимди да бериңиз»,— деди. Ошондо атасы ага Жогорку Гулотту да+, Төмөнкү Гулотту да берди.
16 Мусанын кайнатасы+ кейнилик кишинин уулдары+ Жүйүт уулдары менен бирге курма дарактары өскөн шаардан+ чыгып, Араттын+ түштүгүндөгү Жүйүт чөлүнө барышты. Алар ошол жерде эл менен чогуу жашап калышты+.
17 Жүйүт менен анын бир тууганы Шымон Сепатта жашаган канаандыктарды кырып, шаарын талкалашты+. Ошондуктан ал шаар Хорма*+ деп аталып калды.
18 Анан Жүйүт Азаны+, Ашкелонду+ жана Экронду+ тегерегиндеги жерлери менен кошо басып алды.
19 Жахаба Жүйүт менен болгондуктан, Жүйүт тоолуу аймакты ээлеп алды. Бирок ал өрөөндө жашагандардын жерин тартып ала алган жок, анткени алардын темир чалгылары+ бар майдан арабалары+ бар болчу.
20 Мусанын убадасы боюнча, алар Калепке Хебронду беришти+. Ал ал жерден Анактын үч уулун кууп чыкты+.
21 Бенжемин уулдары Иерусалимде жашаган жебустуктарды кууп чыгышкан жок+, ошондуктан алар бүгүнкү күнгө чейин Бенжемин уулдары менен бирге Иерусалимде жашап жатышат+.
22 Ал ортодо Жусуптун уулдары+ Бейтелге каршы согушка чыгышты+. Жахаба алар менен болду+.
23 Жусуптун уулдары Бейтелди (мурун бул шаар Луз деп аталчу)+ чалгындай башташты+.
24 Чалгынчылар шаардан чыгып келаткан кишини көрүп, ага: «Шаарга кайсы жагынан кирсе болорун бизге көрсөтүп берчи, биз сага ырайым кылабыз»,— дешти+.
25 Тиги киши аларга шаарга кайсы жагынан кирсе болорун көрсөтүп берди. Алар шаардын тургундарын кылыч менен кырып ташташты+, тиги кишини болсо бүт үй-бүлөсү менен коё беришти+.
26 Ал киши Хет тукумдарынын+ жерине барып, ошол жерге шаар курду да, аны Луз деп атады. Ал ушу күнгө чейин ушинтип аталат.
27 Менаше+ Бет-Шеанды+, Таанахты+ жана аларга караштуу шаарларды ээлеп алган жок. Ал Дордун+, Иблеимдин+, Мегидонун+ тургундарын жеринен кууп чыккан жок, ошондой эле ал шаарларга караштуу шаарларды да ээлеп алган жок. Андыктан канаандыктар дагы эле ошол жерде жашап жатышты+.
28 Ысрайыл уулдары күчтөнгөндөн кийин+ канаандыктарды кул кылып алышты+, бирок аларды жеринен толугу менен кууп чыгышкан жок+.
29 Эпрайым да Гезерде жашаган канаандыктарды кууп чыккан жок, ошондуктан канаандыктар алар менен бирге Гезерде жашап жатышты+.
30 Забулун+ Китрон менен Нахалолдун+ тургундарын кууп чыккан жок, ошондуктан канаандыктар Забулун уулдары менен бирге жашап жатышты+, алар канаандыктарды кул кылып алышты+.
31 Ашыр+ Аконун, Сидондун+, Аклаптын, Акзиптин+, Хелбанын, Апиктин+ жана Рекоптун+ тургундарын кууп чыккан жок.
32 Ашыр уулдары ошол жердеги канаандыктардын арасында жашап жатышты, анткени аларды кууп чыгышкан жок+.
33 Напталы+ Бет-Шемеш менен Бет-Анаттын+ тургундарын да кууп чыккан жок. Напталы уулдары ошол жердеги канаандыктардын арасында жашап жатышты+. Алар Бет-Шемеш менен Бет-Анаттын тургундарын кул кылып алышты+.
34 Аморлуктар болсо Дан уулдарын+ өрөөнгө түшүрбөй, улам тоолуу аймакты көздөй сүрүп жатышты+.
35 Аморлуктар дагы эле Херес тоосунда, Айлондо+ жана Шаалбимде+ жашап жатышты. Бирок Жусуптун уулдары күчтүү болгондуктан аларды оор жумушка салышты+.
36 Аморлуктардын чек арасы Акрабимдин+ өрүнөн, Селадан өйдө карай кетет.
Шилтемелер
^ Мааниси: «жок кылуу үчүн берилүү».
