Бийлер 5:1—31
5 Ошол күнү Дебора+ менен Абынаамдын уулу+ Барак+ мындай деп ырдашты+:
2 «Ысрайылдыктар согушууга ант берип, чачын коё беришкендиктен,
Эл согушууга өз эрки+ менен баргандыктан,
Жахабаны даңктагыла+.
3 Уккула, падышалар+, кулак салгыла, башкаруучулар:
Мен Жахабаны даңктап ырдайм.
Ысрайылдын Кудайы Жахабаны+ ыр менен даңазалайм+.
4 Жахаба, сен Сеирден+ чыкканда,
Эдом жеринен келатканда+,
Жер солкулдап+, асмандан,
Булуттардан суу төгүлдү+.
5 Жахабанын алдында тоолор көчтү+,
Ысрайылдын Кудайы+ Жахабанын алдында+ атүгүл Синай тоосу+ да көчтү.
6 Анаттын уулу Шамгардын+ күндөрүндө,
Жаелдин+ күндөрүндө жолдор ээн калды.
Мурда түз жол менен жүргөндөр айланма жолдор менен жүрүп калышты+.
7 Мен, Дебора+, ордуман турганга чейин,
Ысрайылга жардам бериш үчүн эне катары ордуман турганга чейин+,
Ысрайылдын айыл-кыштактарында эл калбай калды+.
8 Алар жаңы кудайларды тандап алышты+,
Ошондо дарбазалардын алдында согуш болду+.
Кырк миң ысрайылдыктын биринде да
Калкан да, найза да болгон жок+.
9 Менин жүрөгүм Ысрайылдын башчылары менен+,
Элдин арасынан өз эрки менен баргандар менен+.
Жахабаны даңктагыла+.
10 Жээрде эшек минип бараткандар+,
Кымбат баалуу килемдердин үстүндө отургандар,
Силер да, жолдо бараткандар,
Кудайдын иштери жөнүндө ойлонгула!+
11 Суу алган жерден малын сугаргандардын үндөрү угулуп жатат+.
Алар Жахабанын адил иштери тууралуу+,
Анын Ысрайылдын айыл-кыштактарында жашаган элинин адил иштери тууралуу айта башташты.
Ошондо Жахабанын эли дарбазанын жанына барды.
12 Ойгон, Дебора+, ойгон,
Ойгонгун да, ыр ырда!+
Тур, Барак+, Абынаамдын уулу+, туткундарыңды алып жөнө!
13 Ошондо аман калгандар атактууларга келишти,
Күчтүүлөргө каршы чыгыш үчүн Жахабанын эли мага келди.
14 Өрөөнгө келгендер Эпрайымдан тараган+,
Алар сени менен, сенин элиң менен, Бенжемин.
Махирден+ башкаруучулар,
Забулундан катчынын шайманын көтөргөндөр келишти+.
15 Исахардын төрөлөрү+ Дебора менен болду.
Исахар да, Барак да+ аны менен болду.
Аны өрөөнгө жөө жөнөтүштү+.
Рубейиндин кошуунунда болсо жүрөгү чечкинсиздер көп болду+.
16 Эмнеге сен эки жүктүн ортосуна отуруп алдың?
Малга чоор тарткандарды угуш үчүнбү?+
Рубейиндин кошуунунда жүрөгү чечкинсиздер көп болду+.
17 Гилат Иордандын аркы өйүзүндөгү жеринде кала берди+.
Эмнеге Дан кемелеринде калып калды?+
Ашыр болсо деңиз жээгинде кол куушуруп отурду,
Өзүнүн кеме жайларында жашады+.
18 Забулун — өз жанын тобокелге салган эл+,
Бийик жерлерде жашаган+ Напталы+ да ошондой.
19 Падышалар келип, салгылашышты.
Ошондо Канаандын падышалары
Таанахта+, Мегидо+ суусунун жанында салгылашышты+.
Бирок алар күмүш олжолой алышкан жок+.
20 Асмандан жылдыздар согушту+,
Алар өздөрү жылып бараткан жолдон Сисерага каршы согушушту.
21 Аларды Кишон суусу+,
Байыркы Кишон суусу жууп кетти+.
Оо, жаным, сен күчтүүлөрдү тебеледиң+.
22 Кунандары жулунуп, катуу чуркаганда,
Аттары туяктары менен жер чапчыды+.
23 „Мерозду каргагыла+,— дейт Жахабанын периштеси+,
Анын тургундарын тынымсыз каргагыла,
Анткени алар Жахабага жардамга келишкен жок.
Күчтүүлөр менен бирге Жахабага жардамга келишкен жок“.
24 Аялдардын ичинен кейнилик+ Хебердин аялы Жаел+ эң көп бата алат.
Чатырда жашаган аялдардын ичинен ал баарынан көп бата алат+.
25 Сисера суу сураганда, ал сүт берди,
Күчтүүлөр ичкен чоң табакка каймагын куюп берди+.
26 Анан колун чатырдын казыгына сунуп,
Оң колуна жумушчунун балкасын алып+,
Казыкты Сисеранын башына кагып+,
Анын чыкыйын тешип салды.
27 Ал чарчап келип, анын бут алдына суй жыгылды, кулады,
Чарчап келип, бут алдына суй жыгылып, кулады.
Жыгылган жеринде турбай жатып калды+.
28 Аял терезени карап, күтүп жатты.
Сисеранын энеси тордолгон терезеден карап+:
„Майдан арабалары эмнеге мынча кечикти?+
Эмнеге алардын дабышы угулбайт?“ — деп сурап жатты+.
29 Атактуу аялдардын акылмандары+ ага жооп берип жатышты,
Ал өзү да өзүнө мындай деп жооп берип жатты:
30 „Алар олжо таап, бөлүшүп жатышса керек+,
Ар бир эркекке аял, экиден аял тийсе керек+.
Олжолоп алган түстүү кездеме Сисерага, түстүү кездеме ага тийип,
Олжону бөлүшүп жаткандардын мойнуна
Саймаланган кийим, түстүү кездеме, саймаланган экиден кийим илинсе керек“.
31 Оо, Жахаба, душмандарыңдын баары ушинтип жок болсун+,
Ал эми сени сүйгөндөр+ күндөй жаркырасын»+.
Ошондон кийин ал жерде кырк жыл тынчтык болду+.
