Бийлер 8:1—35
8 Анан Эпрайым уруусундагылар Гидонго: «Бул эмне кылганың? Мидиандыктар менен согушканы барганда бизди эмнеге чакырган жоксуң?»+ — деп, уруш чыгарганга аракет кылышты+.
2 Акыры, Гидон аларга: «Менин кылганым силердикине салыштырганда эмне болуп калыптыр+. Абиезер+ жыйнаган жүзүмгө караганда анын артынан Эпрайым+ терип алган жүзүм жакшыраак эмеспи?
3 Кудай мидиандыктардын төрөлөрү Ореп менен Зепти+ силердин колуңарга салып бербедиби. Силерге салыштырмалуу мен эмне кыла алдым?» — деди. Ошондо алардын ачуусу тарай түштү+.
4 Гидон менен анын 300 кишиси Иорданга жетип, аны кечип өтүштү. Алар чарчаганына карабай душмандарын кууп баратышты.
5 Сукотко+ жеткенде Гидон анын тургундарына: «Менин кишилериме нан берип койгулачы+, алар чарчап калышты. Мен Мидиан падышалары Зебак+ менен Залмунду+ кууп баратам»,— деди.
6 Бирок Сукоттун төрөлөрү: «Биз сенин аскерлериңе нан бергидей, сен, эмне, Зебак менен Залмунду колго түшүрүп алдың беле?» — дешти+.
7 Гидон аларга: «Ушинткениңер үчүн, карап тургула, Жахаба Зебак менен Залмунду колума салып бергенде, териңерди чөлдө өскөн тикен менен, тикенектер менен тытам»,— деди+.
8 Анан ал жерден Пенуелге+ барып, анын тургундарына да ошол эле өтүнүч менен кайрылды, бирок алар да Сукоттун тургундарындай жооп беришти.
9 Ошондо Гидон аларга: «Жеңиш менен кайтканымда мунараңарды талкалайм»,— деди+.
10 Зебак менен Залмун+ өздөрүнүн аскерлери менен, 15 000дей кишиси менен, Каркордо эле. Чыгышта жашаган элдердин+ 120 000 жоокери өлүп, ушунча эле кишиси калган болчу+.
11 Гидон Нобах менен Жокпеянын+ чыгышында жашаган көчмөндөрдүн жолу менен жүрүп отурду. Ал душмандардын кошуунуна күтүүсүздөн кол салып, аларды кыра баштады+.
12 Мидиандыктардын падышалары Зебак менен Залмун качып жөнөгөндө, Гидон алардын артынан кууп барып, экөөнү тең кармап алды+. Ошондо алардын аскерлерин коркунуч басты.
13 Жоаштын уулу Гидон Хереске кеткен өр жол менен согуштан кайтып келатканда жолдон
14 сукоттук+ бир баланы кармап алып, суракка алды+. Ал Гидонго Сукоттун төрөлөрү+ менен аксакалдарынын, жетимиш жети кишинин, атын жазып берди.
15 Гидон Сукоттун тургундарына барып: «Силер: „Биз сенин чарчаган кишилериңе нан бергидей, сен, эмне, Зебак менен Залмунду колго түшүрүп алдың беле?“ — деп мени шылдыңдадыңар эле, мына ошол Зебак менен Залмун»,— деди+.
16 Анан шаардын аксакалдарын, Сукоттун кишилерин чөлдө өскөн тикендер, тикенектер менен жазалады+.
17 Ошондой эле Пенуелдеги+ мунараны талкалап+, шаардын тургундарын өлтүрүп салды.
18 Ал Зебак менен Залмундан+: «Силер Табордо+ өлтүргөн кишилер кандай эле?» — деп сурады. Ал экөө: «Алар сага окшош болчу, ар бири падышанын уулдарына окшош эле»,— дешти.
19 Гидон: «Алар менин бир туугандарым, энемдин уулдары болчу. Жахаба тирүү*, ошондо аларды тирүү калтырганыңарда, азыр силерди өлтүрмөк эмесмин»,— деди+.
20 Анан тун уулу Жетерге: «Тур, буларды өлтүр»,— деди. Бирок ал жаш болгондуктан коркуп+, кылычын сууруп чыккан жок.
21 Ошондо Зебак менен Залмун: «Бизди өзүң өлтүр, анткени эркекке күчүнө карап баа берет»,— дешти+. Гидон аларды өлтүрүп+, төөлөрүнүн мойнундагы ай түрүндөгү жасалгаларды чечип алды.
22 Кийинчерээк ысрайылдыктар Гидонго: «Бизди сен башкар+, сенин уулуң, неберең башкарсын, анткени сен бизди мидиандыктардын колунан куткардың»,— дешти+.
23 Бирок Гидон аларга: «Силерди мен да, уулум да башкарбайт+. Силерди Жахаба башкарат»,— деди+.
24 Анан: «Силерден суранарым, ар бириңер өз олжоңордон мурунга тагылчу бирден алтын шакек+ бергиле»,— деди. (Жеңилгендердин мурунга тагылчу алтын шакектери бар эле, анткени алар ысмайылдыктар болчу.)+
25 Алар: «Мейли, берели»,— дешти да, бир кийимди жайып, үстүнө ар бири өз олжосунан мурунга тагылчу бирден шакек таштады.
26 Ай түрүндөгү жасалгаларды+, сөйкөлөрдү, Мидиан падышаларынын кызгылт көк жүн кийимдерин+, төөлөрдүн мойнундагы жасалгаларды+ эсептебегенде, ал сурап алган алтын шакектердин салмагы 1 700 алтын шекел* болду.
27 Гидон ал алтындан эфод+ жасап, аны өзүнүн шаары Опрага+ коюп койду. Бүт ысрайылдыктар ага табына башташты+. Ошентип, ал Гидон үчүн да, анын үйүндөгүлөрү үчүн да тузак болду+.
28 Мидиандыктар+ Ысрайыл уулдарына багынып, аларга баш көтөргүс болушту. Гидондун убагында ал жерде кырк жыл тынчтык болду+.
29 Жоаштын уулу Жерубаал+ үйүнө кайтып барып, ошол жакта жашады.
30 Гидондун жетимиш уулу болгон+, анткени анын аялдары көп эле.
31 Шекемде жашаган токолу да уул төрөп берген, ал анын атын Абымелек+ деп койгон.
32 Узак өмүр сүргөндөн кийин Жоаштын уулу Гидон көз жумуп, атасы коюлган жерге, Абиезердин тукумдары жашаган Опрага+ коюлду.
33 Гидон өлгөндөн көп өтпөй, Ысрайыл уулдары кайрадан Баалдарга табына башташты+. Алар Баал-Беритти кудай кылып алышты+.
34 Ысрайыл уулдары тегерегиндеги бардык душмандарынан куткарган+ Жахаба Кудайын эстешкен жок+.
35 Алар Жерубаалдын, башкача айтканда, Гидондун үйүндөгүлөрүнө мээримдүүлүк көрсөтүшкөн жок+, анын Ысрайылга кылган бардык жакшылыктарын унутуп коюшту+.
Шилтемелер
^ Адатта, ысрайылдыктар айткан сөздөрүнүн чын экенин баса белгилеш үчүн Жахабанын (же башка бирөөнүн) тирүү экенин айтып ант беришчү.
^ Шекел еврейлердин негизги чен жана акча бирдиги болгон. Салмагы 11,4 г. Кара: 13-тирк.
