Жезекиел 9:1—11
9 Андан соң ал үнүн бийик чыгарып, мага угуза: «Шаарды жазалаганы чыккандардын ар бири колуна кыйратуучу куралын алып, жакын келсин!» — деди.
2 Ошондо түндүктү караган жогорку дарбаза+ жактан ар биринин колунда кыйратуучу куралы бар алты киши көрүндү. Арасында куруна катчынын сыя кутусун кыстарган зыгыр кийимчен+ бир киши бар экен. Алар ичкери кирип, жез курмандык жайынын+ жанына токтошту.
3 Ысрайыл Кудайынын даңкы+ керуптардын+ үстүнөн үйдүн босогосуна келди+. Анан Ал белине катчынын сыя кутусун кыстарган зыгыр кийимчен+ кишини чакырды.
4 Жахаба ага: «Иерусалим шаарын аралап, андагы бардык жийиркеничтүү иштерден улам+ үшкүрүнүп, онтоп жаткан кишилердин+ маңдайына белги коюп чык»,— деди.
5 Анан калгандарына мындай дегенин уктум: «Мунун артынан баргыла, шаарды аралап, элди кыргыла. Көзүңөр аябасын, бооруңар оорубасын+.
6 Карыяны, улан-кызды, кичинекей бала менен аялды+ — баарын өлтүргүлө, кыргыла. Бирок маңдайында белгиси бар бир да кишиге тийбегиле+. Менин ыйык жайыман баштагыла»+. Ошондо алар үйдүн алдында турган карыялардан баштады+.
7 Анан аларга: «Үйдү арамдагыла, короолорду өлүккө толтургула+. Жөнөгүлө!» — деди. Алар барды да, шаардагыларды кыра баштады.
8 Тигилер мага тийбей, элди кырып жатканда, мен жүзтөмөндөп жыгылып+: «Оо, Эгедер Теңир Жахаба!+ Иерусалимге каарыңды төгүп, Ысрайылдын калдыгын бүтүндөй кырып таштайсыңбы?»+ — деп кыйкырып жибердим.
9 Ошондо ал мага мындай деди: «Ысрайыл менен Жүйүт үйүнүн+ кылмышы оор, өтө оор+. Жер канга+, шаар арамзалыкка толду+. Алар: „Жахаба бул жерди таштап кетти+, Жахаба эч нерсе көрбөйт“,— деп жатышат+.
10 Ошон үчүн көзүм аябайт+, боорум оорубайт+. Мен аларды өздөрүнүн жолуна жараша жоопко тартам»+.
11 Анан белине катчынын сыя кутусун кыстарган зыгыр кийимчен киши кайтып келди да: «Мен бардыгын сен буйругандай кылдым»,— деди+.
