Жеремиянын ыйы 4:1—22
א [Алеф]
4 Атаганат, жаркыраган алтындын, тандамал алтындын өңү өчтү!+Атаганат, ыйык таштар+ көчөлөрдүн бурчтарында чачылып жатат!+
ב [Бет]
2 Сиондун таза алтындай бааланган уулдары+Чоң карапага — карапачынын колунан жаралган идишке — барабар болуп калышты+.
ג [Гимел]
3 Чөөлөр да эмчек берип, күчүктөрүн тойгузат.Ал эми менин элимдин кызы, чөлдөгү төө куштай болуп+, таш боор болуп калды+.
ד [Далет]
4 Эмчектеги бала суусап, тили таңдайына жабышып калды+,Балдар нан сурап жатышат+, бирок аларга нан берген эч ким жок+.
ה [Хе]
5 Даамдуу тамак жеп жүргөндөрдү көчөлөрдө коркунуч басты+.Ачык кызыл кийим кийип өскөндөр+ үйүлгөн күлдү кучактап калышты+.
ו [Вав]
6 Элимдин кызынын кылмышы үчүн алган жазасы Содомдун күнөөсү үчүн алган жазасынан ашып түштү.Содом бир заматта кулаган+, жардам бериш үчүн ага эч ким кол сунган эмес+.
ז [Зайин]
7 Сиондун назирлери+ кардан таза+, сүттөн ак,Маржандан кызыл болчу+, сапфирдей+ жаркырап турчу.
ח [Хет]
8 Эми өңдөрү көөдөн да кара болуп, көчөдөн таанылбай калышты+.Кургаган терилери сөөгүнө жабышып+, куураган бактай болуп калды.
ט [Тет]
9 Кылычтан өлгөндөргө ачарчылыктан өлгөндөргө караганда+ жакшы болду+,Анткени алар соолушту, тамак-аш жетпей алдан тайышты.
י [Йод]
10 Боорукер аялдар балдарын өз колу менен бышырышты+.Элимдин кызы өлүп жатканда, алар кубат берерлик нанга айланышты+.
כ [Каф]
11 Жахаба каарын+, жалындаган жаалын төктү+,Сионго пайдубалын жалмай турган от койду+.
ל [Ламед]
12 Иерусалимдин дарбазасына жоо, душман кирерине+Жер жүзүнүн падышалары, калкынын баары ишенишкен эмес+.
מ [Мем]
13 Пайгамбарларынын күнөөлөрү, дин кызматчыларынын кылмышы үчүн+Ал жакта адил кишилердин каны төгүлгөн+.
נ [Нун]
14 Алар көчөлөрдө сокурлардай болуп каңгып калышты+. Канга булганышты+,Ошон үчүн кийимдери кол тийгис болуп калды+.
ס [Самех]
15 Аларга: «Жолдон качкыла! Таза эместер!+ Ары тургула! Ары тургула! Бизге колуңарды тийгизбегиле!»+ — деп кыйкырышат.Алар үй-жайынан ажырап+, тентип калышат+. Элдер алар жөнүндө мындай дешет: «Алар эми бул жерде жашабайт+.
פ [Пе]
16 Анткени аларды Жахаба өзү чачыратып жиберди+. Аларды экинчи карабайт+.Эл атүгүл дин кызматчыларды да сыйлабай калат+, карыяларга да ызаат көрсөтпөй калат»+.
ע [Айин]
17 Биз тирүү жүрсөк да, жардам күтүп жатып көзүбүз талыды+.Жан-жагыбызды карап, бизди куткара албай турган элге үмүт арттык+.
צ [Цаде]
18 Алар ар бир кадамыбызды аңдышкандыктан+, аянттарыбызда эч ким баспай калды.Ичер суубуз түгөндү, көрөр күнүбүз бүттү. Өлөрүбүзгө аз калды+.
ק [Коф]
19 Артыбыздан куугандар асмандагы бүркүттөрдөн учкул болушту+,Тоолорду ашып, артыбыздан сая түшүштү+. Ээн талааларда бизди аңдып жатышты+.
ר [Реш]
20 Өмүрүбүздүн деми+ — Жахабанын майланганы+ — кармалып, алардын чоң оруна салынды+.Биз болсо: «Элдердин арасында анын көлөкөсүнүн+ астында жашайбыз»+,— деген элек.
ש [Шин]
21 Ус жеринде+ жашаган Эдом кызы+, шаттан, кубан+.Бул чөйчөк сага да барат+. Сен мас болуп, жылаңач этиңди көрсөтөсүң+.
ת [Тав]
22 Оо, Сион кызы, кылмышың үчүн алган жазаң аяктады+. Эми эч ким сени туткундап кетпейт+.Оо, Эдом кызы, Кудай сенин кылмыштарыңа көңүл бурду, күнөөлөрүңдү ачыкка чыгарды+.
