Забур 29:1—11
Дөөтүнүн ыры.
29 Жахабаны даңазалагыла, күчтүүлөрдүн уулдары,Жахабанын даңкын, күч-кубатын тааныгыла+.
2 Жахабага ысмына жарашыктуу даңк айткыла+.Жахабага ыйык кийимчен таазим кылгыла+.
3 Жахабанын үнү суулардын үстүнөн угулат+,Даңктуу Кудай+ күркүрөйт+.Жахаба көп суулардын үстүндө турат+.
4 Жахабанын үнү кубаттуу+,Жахабанын үнү улуу+.
5 Жахабанын үнү бал карагайларды сындырат,Ооба, Жахаба Лебанон* бал карагайларын сындырат+.
6 Аларды музоодой,Лебанон менен Сирионду+ жапайы букачарлардай так секиртет+.
7 Жахабанын үнү оттун жалыны менен чыгат+.
8 Жахабанын үнү чөлдү жабыркатат+,Жахаба Кадеш чөлүн+ жабыркатат.
9 Жахабанын үнү маралдарды толгоо тарттырат+,Токойлорду жылаңачтайт+.Анын ибадатканасында баары: «Кудайга даңк!» — дейт+.
10 Жахаба топон суунун* үстүндө отурат+,Жахаба падыша катары түбөлүккө отурат+.
11 Жахаба элине күч берет+.Жахаба элине тынчтык берип, батасын төгөт+.
