Закарыя 1:1—21
1 Дарийдин башкаруусунун экинчи жылынын+ сегизинчи айында Жахаба Идонун+ уулу Берекиянын уулу Закарыя+ пайгамбарга мындай деди:
2 «Жахаба силердин аталарыңарга абдан катуу каарданган болчу+.
3 Сен аларга мындай де: „Асман аскерлеринин Кудайы Жахаба мындай дейт: “Мага кайрылып келгиле+,— дейт асман аскерлеринин Кудайы Жахаба,— ошондо мен да силерге кайрылып келем”+,— дейт асман аскерлеринин Кудайы Жахаба“.
4 „Аталарыңардай болбогула+. Мурунку пайгамбарлар аларга+: ““Жаман жолуңардан, жаман иштериңерден кайткыла, мага кайрылып келгиле”+,— дейт асман аскерлеринин Кудайы Жахаба”,— дешкен“.
„Бирок алар угушкан эмес, мага көңүл бурушкан да эмес“+,— дейт Жахаба.
5 „Ошол аталарыңардын да, пайгамбарлардын да көзү өтүп кетти+.
6 Бирок менин кызматчыларыма, пайгамбарларыма, айткан сөздөрүмдүн+, берген көрсөтмөлөрүмдүн аткарылганын аталарыңар өз көзү менен көргөн эмес беле?“+ Алар мага кайрылып: „Жүргөн жолубуз, кылган иштерибиз үчүн асман аскерлеринин Кудайы Жахаба бизге эмне кылгысы келсе+, ошону кылды“+,— дешкен».
7 Дарийдин башкаруусунун экинчи жылында+, он биринчи айдын, шебат айынын, жыйырма төртүнчү күнү мага, Идонун+ уулу Берекиянын уулу Закарыя+ пайгамбарга, Жахаба мындай аян берди:
8 «Мен түндө кызыл ат минген+ бир кишини+ көрдүм. Ал ойдуңдагы мирт дарактарынын+ арасында кыймылдабай туруптур. Анын арт жагында кызыл, ачык кызыл жана ак боз аттар туруптур»+.
9 Мен: «Бул атчандар кимдер, мырзам?» — деп сурадым+.
Ошондо мени менен сүйлөшүп жаткан периште мага+: «Сага булардын ким экенин көрсөтөм»,— деди.
10 Анан мирт дарактарынын арасында кыймылдабай турган киши: «Булар — Жахаба жер бетин кыдырып чыгууга жибергендер»,— деди+.
11 Алар Жахабанын мирт дарактарынын арасында турган периштесине: «Биз жер жүзүн кыдырып чыктык+, бүт жерде бейпилдик, тынчтык өкүм сүрүп жатат»,— дешти+.
12 Ошондо Жахабанын периштеси: «Оо, асман аскерлеринин Кудайы Жахаба, Иерусалимге, Жүйүттүн башка шаарларына качан ырайым кыласың?+ Аларды айыпталгандар катары таштап койгонуңа жетимиш жыл болду»,— деди+.
13 Жахаба мени менен сүйлөшүп жаткан ал периштеге жакшы сөздөрдү, жубатарлык сөздөрдү айтты+.
14 Ошондо мени менен сүйлөшүп жаткан периште мага: «Мындай деп жар сал: „Асман аскерлеринин Кудайы Жахаба мындай дейт: “Мен Иерусалим менен Сионду катуу кызганыч менен коргоп жатам+.
15 Бейкапар жаткан элдерге+ абдан каарданып жатам. Анткени мен элиме бир аз эле каарданган болчумун+, алар болсо элиме өтө эле ырайымсыз мамиле кылышты”“+.
16 Ошондуктан Жахаба мындай дейт: „”Мен Иерусалимге кайрымдуулук кылыш үчүн келем+. Ал жерге менин үйүм кайра курулат+,— дейт асман аскерлеринин Кудайы Жахаба,— Иерусалимге ченегич жип тартылат”“+.
17 Дагы мындай деп жар сал: „Асман аскерлеринин Кудайы Жахаба мындай дейт: “Менин шаарларым кайрадан жакшылыктарга толот+, Жахаба Сионду кайрадан аяйт+, Иерусалимди кайрадан тандап алат”“»+.
18 Мен аянда төрт мүйүздү көрдүм+.
19 Ошондо мени менен сүйлөшүп жаткан периштеден: «Булар эмне болгон мүйүздөр?» — деп сурадым. Ал: «Булар — Жүйүттү+, Ысрайылды+ жана Иерусалимди туш-тушка чачыратып жиберген+ мүйүздөр»,— деп жооп берди.
20 Андан кийин Жахаба мага төрт устаны көрсөттү.
21 Мен: «Булар эмне кылганы жатышат?» — деп сурадым.
Ал: «Тиги мүйүздөр+ Жүйүттү туш-тушка чачыратып жибергенде, эч ким баш көтөрө алган эмес. Бул усталар болсо аларды коркутканы, Жүйүт жериндеги элди чачыратып жибериш үчүн ага мүйүзүн көтөргөн элдердин мүйүздөрүн сындырганы келишет»,— деди+.
