Закарыя 5:1—11
5 Андан кийин мен учуп бараткан түрмөктү көрдүм+.
2 Ошондо ал менден: «Эмнени көрүп жатасың?» — деп сурады+.
Мен: «Учуп бараткан түрмөктү көрүп жатам. Анын узундугу жыйырма, туурасы он чыканак экен»,— дедим.
3 Ал мага мындай деди: «Бул — бүт жер жүзүнө келаткан каргыш+. Анткени уурулук кылгандар+ түрмөктүн бул бетинде жазылган каргыш боюнча али жазалана элек, жалган ант бергендер+ да түрмөктүн тиги бетинде жазылган+ каргыш боюнча али жазалана элек.
4 „Аны мен жибердим,— дейт асман аскерлеринин Кудайы Жахаба.— Ал уурунун үйүнө жана менин ысмымды оозанып жалган ант+ берген кишинин үйүнө кирип, ошол жерде калат да, үйдү да, анын устундары менен таштарын да кыйратып жок кылат“»+.
5 Анан мени менен сүйлөшүп жаткан периште жаныма келип: «Башыңды көтөрүп, тетиги жакындап келаткан нерсени карасаң»,— деди.
6 Мен андан: «Ал эмне?» — деп сурадым.
Ал: «Жакындап келаткан нерсе — идиш*»,— деди. Анан: «Ал — бүт жер бетиндеги ыймансыздардын түспөлү»,— деп кошумчалады.
7 Ошондо коргошундан жасалган тегерек капкак көтөрүлдү. Идиштин ичинде бир аял отуруптур.
8 Периште мага: «Бул аял ыймансыздыкты билдирет»,— деди. Анан аялды кайра идиштин ичине түртүп киргизди да+, идиштин оозун коргошун капкак менен жаап койду.
9 Андан кийин мен жакындап келаткан эки аялды көрдүм. Алардын канаттарында шамал бар экен. Канаттары илегилектин канаттарына окшош экен. Алар идишти жерден жогору көтөрө башташты.
10 Мени менен сүйлөшүп жаткан периштеден: «Булар идишти кайда алып баратышат?» — деп сурадым.
11 Ал мага: «Булар аялга үй куруп бериш үчүн+ Шынар жерине+ баратышат. Үй курулуп бүткөндөн кийин, аял өз ордуна жайгаштырылат»,— деди.
Шилтемелер
^ Сөзмө-сөз: «эйфа». Кургак заттарды өлчөөдө колдонулган болж. м-н 22 литрлик идиш.