Закарыя 7:1—14
7 Дарий+ падышанын башкаруусунун төртүнчү жылында тогузунчу айдын, кислеп айынын+, төртүнчү күнү Закарыяга Жахабадан сөз болду.
2 Бейтелдин эли Шаресерди, Регемелехти жана анын кишилерин Жахабадан ырайым кылышын сураш үчүн+ жиберишти;
3 аларды асман аскерлеринин Кудайы Жахабанын үйүндөгү дин кызматчылар+ менен пайгамбарлардан: «Көп жыл бою бешинчи айда+ ыйлап, орозо кармап келгенимдей эле, бешинчи айда ыйлап, орозо кармашым керекпи?»+ — деп сураш үчүн жиберишти.
4 Ошондо асман аскерлеринин Кудайы Жахаба мага мындай деди:
5 «Бүт элге жана дин кызматчыларга мындай деп айт: „Жетимиш жыл+ бою бешинчи жана жетинчи айларда+ орозо кармап+, ыйлаганыңарда мен үчүн орозо кармадыңар беле?+
6 Жеп-ичкениңерде деле өзүңөр үчүн жеп-ичкен эмес белеңер?
7 Иерусалим менен анын тегерегиндеги шаарларда эл жашап, тынчтык болуп турганда, Негеп+ менен Шепелада+ эл жашап жатканда, Жахабанын мурунку пайгамбарлары аркылуу+ айткан сөздөрүн угушуңар керек эмес беле?“»+
8 Жахаба Закарыяга дагы мындай деди:
9 «Асман аскерлеринин Кудайы Жахаба мындай деди: „Чыныгы адилеттик менен соттогула+, бири-бириңерге мээримдүүлүк көрсөткүлө+, кайрымдуулук кылгыла+,
10 жесир+ менен жетимди+, келгин+ менен бей-бечараны алдабагыла+, жүрөгүңөрдө бири-бириңерге жамандык кылууну ойлобогула“+.
11 Бирок алар укпай коюшту+, өжөрдүк менен тескери бурулуп+, укпаш үчүн кулактарын жаап алышты+.
12 Алар асман аскерлеринин Кудайы Жахабанын өзүнүн руху+, мурунку пайгамбарлары аркылуу айткан сөздөрүн+, берген мыйзамын аткарбаш үчүн+ жүрөктөрүн таштай катуулантышты+. Ошондуктан асман аскерлеринин Кудайы Жахаба аларга катуу каарданды»+.
13 «„Мен чакырганда, алар мени угушкан эмес+. Ошондуктан алар чакырганда, мен да укпай койдум+,— дейт асман аскерлеринин Кудайы Жахаба.—
14 Мен аларды куюн учургандай учуруп, өздөрү билбеген+ элдердин арасына чачыратып жибердим+. Алардын жери ээн калды, ал жерден эч ким өтпөй калды, ал жакка эч ким кайтып барган жок+. Алар жер соорусун+ үрөй учурарлык жерге айлантышты“».
