Лебилер 1:1—17
1 Андан кийин Жахаба Мусаны чакырып, жыйын чатырынан+ ага мындай деди:
2 «Ысрайыл уулдарына мындай деп айт+: „Араңардан кимдир бирөө Жахабага тартуу катары мал алып келгиси келсе, бодо же майда малдан алып келсин.
3 Эгерде ал бодо малдан бүтүндөй өрттөлүүчү курмандык+ алып келе турган болсо, анда кемтиги жок эркек мал алып келсин+. Ал аны жыйын чатырынын кире беришине өз ыктыяры менен алып келип, Жахабанын алдына койсун+.
4 Анан бүтүндөй өрттөлүүчү курмандыкка чалынчу ал малдын башына колун койсун, ошондо анын күнөөлөрү кечирилиши үчүн+, алып келген курмандыгы кабыл алынат+.
5 Андан соң ал букачарды Жахабанын алдында союшат. Дин кызматчылар+, Арундун уулдары, анын канынан алып, жыйын чатырынын кире беришиндеги курмандык жайына тегерете чачыратып чыгышат+.
6 Анан терисин сыйрып, этин бөлүшөт+.
7 Арундун уулдары, дин кызматчылар, курмандык жайына от жагып+, анын үстүнө отундарды коюшат+.
8 Андан кийин алар малдын бөлүнгөн этин+, башы менен майын курмандык жайындагы оттун үстүнө коюшат.
9 Ал эми ичеги-карыны менен шыйрактарын сууга жуушат+. Андан кийин дин кызматчы алардын бардыгын бүтүндөй өрттөлүүчү курмандык катары, Жахабага арналган жыты жагымдуу өрттөлүүчү тартуу катары, курмандык жайында өрттөйт+.
10 Эгерде бүтүндөй өрттөлүүчү курмандыкка майда малдан+, кой же эчкиден, алып келе турган болсо, ал жаш+, кемтиги жок эркек мал болсун+.
11 Аны Жахабанын алдында курмандык жайынын түндүк тарабында союш керек. Арундун уулдары, дин кызматчылар, анын канынан алып, курмандык жайына тегерете чачыратып чыгышат+.
12 Этин бөлгөндөн кийин, дин кызматчы анын бардыгын, башы менен майын да курмандык жайында күйүп турган оттун үстүнө, отундардын үстүнө коёт+.
13 Ал эми ичеги-карыны менен шыйрактарын+ сууга жууйт+. Андан кийин дин кызматчы алардын бардыгын курмандык жайында өрттөйт+. Бул — бүтүндөй өрттөлүүчү курмандык, Жахабага арналган жыты жагымдуу өрттөлүүчү тартуу+.
14 Эгерде Жахабага бүтүндөй өрттөлүүчү курмандык катары канаттуулардан алып келе турган болсо, бактек же жаш көгүчкөн алып келсин+.
15 Дин кызматчы аны курмандык жайына алып келип, мойнун бурап+, аны курмандык жайында өрттөсүн, каны болсо курмандык жайынын капталына агызылсын.
16 Анын жемсөөсү менен жүнүн курмандык жайынын жанына, чыгыш тарабына, май сиңген күл турган жерге таштасын+.
17 Анан канатынын жанынан кесип койсун, бирок канаттуунун өзүн бөлбөсүн+. Дин кызматчы аны курмандык жайындагы отундардын үстүнө коюп өрттөйт. Бул — бүтүндөй өрттөлүүчү курмандык+, Жахабага арналган жыты жагымдуу өрттөлүүчү тартуу+.
