Сандар 4:1—49
4 Жахаба Муса менен Арунга мындай деди:
2 «Лебинин уулдарынын ичинен Кааттын+ уулдарын тукуму, уругу боюнча санап чыккыла.
3 Жыйын чатырындагы иштерди кылышы үчүн, кызмат кылууга жарактуулардын баарын+, отуз жаштан элүү жашка чейинки+ эркектердин баарын+, санап чыккыла.
4 Кааттын уулдарынын жыйын чатырында+ кылган кызматы абдан ыйык нерселер менен байланыштуу.
5 Кошуун жолго чыгарда, Арун менен анын уулдары келип, келишим сандыгын тосуп турган көшөгөнү+ чечип, аны келишим сандыгына+ жабышсын.
6 Анын үстүнө түлөндүн* терисинен+ жасалган жабууну, ал эми анын үстүнөн көк жабууну жаап, келишим сандыгынын шыргыйларын+ киргизишсин.
7 Алар тартуу катары алынып келген нандар коюлчу үстөлгө+ көк жабууну жайып, үстүнө идиштерди+, чөйчөктөрдү, суюк тартууларды куя турган кумуралар менен табактарды+ коюшсун. Ал эми үстөлдүн үстүндө дайыма турган нан+ ошол эле ордунда калсын.
8 Анан алардын үстүнө ачык кызыл түстөгү жабууну+, ал эми анын үстүнөн түлөндүн терисинен+ жасалган жабууну жаап, үстөлдүн шыргыйларын+ киргизишсин.
9 Көк жабууну алып, чыракпаянын+, анын чырактарынын+, биликтин күйүгүн алууга колдонулчу кычкачтарынын+, биликтин күйүгү салынчу идиштеринин+, чырак май куюла турган идиштеринин+ үстүнө жабышсын.
10 Анан чыракпая менен ага тиешелүү нерселердин баарын түлөндүн терисинен+ жасалган жабууга ороп, замбилге салышсын*.
11 Алар алтындан жасалган жыпарзат түтөткүчтүн*+ үстүнө көк жабууну, ал эми анын үстүнөн түлөндүн терисинен+ жасалган жабууну жаап, жыпарзат түтөткүчтүн шыргыйларын+ киргизишсин.
12 Алар ыйык жердеги кызматта колдонулчу бардык нерселерди+ алып, көк жабууга ороп, үстүнө түлөндүн терисинен+ жасалган жабууну жаап, замбилге салышсын.
13 Алар курмандык жайындагы+ май сиңген күлдү чыгарып, курмандык жайынын үстүнө кызгылт көк жабууну жайышсын.
14 Анын үстүнө курмандык жайына байланышкан кызматта колдонулчу нерселердин баарын+: чок салгычтарды, айрыларды, калактарды, чараларды коюп, үстүнө түлөндүн терисинен жасалган жабууну жаап, курмандык жайынын шыргыйларын+ киргизишсин.
15 Кошуун жолго чыгарда, Арун менен анын уулдары ыйык жердеги+ нерселерди жана аларга тиешелүү нерселердин баарын+ жаап бүткөндөн кийин, аларды көтөрүш үчүн+ Кааттын уулдары келишсин. Бирок өлүп калбашы үчүн, алар ыйык жердеги нерселерге тийишпесин+. Кааттын уулдары жыйын чатырындагы ушул нерселерди+ көтөрүп жүрүшү керек.
16 Дин кызматчы Арундун уулу Элазарга чырак май+, жыпарзат+, дайыма алынып келчү нан курмандыгы+, ыйык май+ тапшырылсын. Ал ыйык чатырга, андагы нерселердин бардыгына, атап айтканда, ыйык жай менен ага тиешелүү нерселерге жооптуу болушу керек»+.
17 Жахаба Муса менен Арунга дагы мындай деди:
18 «Кааттын тукумдарынын+ лебилердин арасынан жок кылынышына жол бербегиле.
19 Алар аман калышы үчүн, абдан ыйык нерселерге+ жакындап өлүп калбашы үчүн, мындай кылгыла: Арун менен анын уулдары келип, алардын ар бирине эмне кызмат аткарып, эмне көтөрүшү керектигин айтышсын.
20 Алар ыйык нерселерге жөн эле карап коюш үчүн да жакындабашы керек. Болбосо өлүп калышат»+.
21 Анан Жахаба Мусага мындай деди:
22 «Гершондун+ уулдарын тукуму, уругу боюнча санап чык.
23 Жыйын чатырында кызмат кылышы үчүн, кызмат кылууга жарактуулардын баарын, отуз жаштан элүү жашка чейинки эркектердин баарын, санап чык+.
24 Гершондун тукумдарынын аткара турган кызматы, көтөрө турган нерселери булар+:
25 ыйык чатырдын жабуулары+, жыйын чатыры+, анын сырткы жабуусу+, анын үстүндөгү түлөндүн терисинен жасалган жабуу+, жыйын чатырынын кире беришиндеги көшөгө+,
26 ыйык чатыр менен курмандык жайын курчап турган короонун жабуулары+, анын кире беришин тоскон жабуу+, короонун жиптери, ал жердеги кызматка керектүү нерселер менен ал жердеги иштерди аткарууда колдонулчу нерселердин баары. Бул — алардын кызматы.
27 Гершондун уулдары+ аткара турган иштердин баары, алардын кызматы менен көтөрө турган нерселери, Арун менен анын уулдарынын+ көрсөтмөсү боюнча болсун. Алар көтөрө турган нерселерди силер айтышыңар керек.
28 Гершондун тукумдары+ жыйын чатырында дин кызматчы Арундун уулу Итамардын+ көзөмөлү астында ушул кызматты аткарышы керек.
29 Мераринин уулдарын+ тукуму, уругу боюнча санап чык.
30 Жыйын чатырында кызмат кылышы үчүн, кызмат кылууга жарактуулардын баарын, отуз жаштан элүү жашка чейинки эркектердин баарын, санап чык+.
31 Алардын жыйын чатырында аткара турган кызматы, көтөрө турган нерселери булар+: ыйык чатырдын кашектери+, шыргыйлары+, устундары+, оюгу бар таканычтары+,
32 жыйын чатырын курчап турган короонун мамылары+, алардын оюгу бар таканычтары+, казыктары+, жиптери жана ушулардын баарына тиешелүү нерселер, ошондой эле алардын кызматына байланышкан нерселердин бардыгы. Алардын ар бирине эмне көтөрүшү керектигин айткыла+.
33 Мераринин тукумдары+ жыйын чатырында дин кызматчы Арундун уулу Итамардын+ көзөмөлү астында ушул кызматты аткарышы керек».
34 Муса, Арун, жамаат башчылары+ Кааттын уулдарын+ тукуму, уругу боюнча санап чыгышты.
35 Жыйын чатырында кызмат кылышы үчүн, кызмат кылууга жарактуулардын баарын+, отуз жаштан элүү жашка чейинки+ эркектердин баарын+, санап чыгышты.
36 Өз уругу боюнча каттоодон өткөндөрдүн саны 2 750 болду+.
37 Муса менен Арун Жахабанын Мусага берген буйругу боюнча каттоодон өткөргөн+ Кааттын тукумдары — ушулар. Булардын баары — жыйын чатырында кызмат кылгандар.
38 Гершондун уулдарынын+ ичинен тукуму, уругу боюнча каттоодон өткөндөрдүн,
39 жыйын чатырында кызмат кылышы үчүн, кызмат кылууга жарактуулардын+, отуз жаштан элүү жашка чейинки эркектердин баарынын,
40 тукуму, уругу боюнча каттоодон өткөндөрдүн, саны 2 630 болду+.
41 Муса менен Арун Жахабанын буйругу боюнча каттоодон өткөргөн Гершондун тукумдары+ — ушулар. Булардын баары — жыйын чатырында кызмат кылгандар.
42 Мераринин тукумдарынын ичинен тукуму, уругу боюнча каттоодон өткөндөрдүн,
43 жыйын чатырында кызмат кылышы үчүн, кызмат кылууга жарактуулардын+, отуз жаштан элүү жашка чейинки эркектердин баарынын,
44 уругу боюнча каттоодон өткөндөрдүн, саны 3 200 болду+.
45 Муса менен Арун Жахабанын Мусага берген буйругу боюнча каттоодон өткөргөн Мераринин тукумдары+ — ушулар.
46 Муса, Арун жана Ысрайыл башчылары лебилердин ичинен тукуму, уругу боюнча каттоодон өткөргөндөрдүн баарынын,
47 жыйын чатырында оор жумуштарды аткарып, ар кандай жүк көтөрүп+ кызмат кылууга жарактуулардын, отуз жаштан элүү жашка+ чейинки эркектердин баарынын,
48 каттоодон өткөндөрдүн, саны 8 580 болду+.
49 Муса аларды, Жахабанын буйругуна ылайык, аткарган кызматы, көтөргөн жүгү боюнча каттоодон өткөрдү. Алар, Жахаба Мусага буйрук кылгандай, каттоодон өтүштү+.
