Сулаймандын ыры 7:1—13
7 «Сандал кийген буттарың кандай сонун+, жароокер кыз!+ Келишкен мүчөң устанын колунан чыккан кооз жасалгадай+.
2 Киндигиң — тегерек чөйчөк; андагы аралашма шарап+ түгөнбөсүн. Ичиң — лилия гүлдөрү+ менен курчалган буудай үймөгү.
3 Төштөрүң жейрендин эгиздериндей+.
4 Мойнуң+ пилдин сөөгүнөн жасалган мунарадай. Көздөрүң+ Бат-Рабим дарбазасынын жанындагы Хешпон+ көлмөлөрүндөй. Мурдуң Дамаскты караган Лебанон мунарасындай.
5 Башың Кармелдей+, чачың кызгылт-көк+ жүндөй; куюлуп түшкөн чачтарың+ падышаны суктантат+.
6 Оо, сүйгөнүм, кандай гана сулуусуң, сүйкүмдүүсүң, көксөткөн ырахатым бир өзүңсүң!+
7 Боюң курма дарагындай+, төшүң+ анын шиңгилдериндей.
8 Мен өзүмө: „Курма дарагына чыгайын, шиңгилдерин кармайын“,— дедим+. Суранам сенден, төшүң жүзүм шиңгилдериндей, демиң алма жытындай,
9 таңдайың тамшанткан шараптай болсун...»+ «Ал шарап сүйгөн жигитиме жай агып барат+, уктап жаткандардын эриндеринен сызылып агат.
10 Мен сүйгөн жигитиме таандыкмын+, анын эңсегени — мен+.
11 Келчи, ашыгым, талаага баралы+, кына+ бадалдарынын арасында эс алалы.
12 Эрте туруп, жүзүмзарларга баралы. Жүзүм бүчүр алып+, гүлдөр ачылып+, анар гүлдөдү бекен, көрөлү+. Ошол жерден назик сезимдеримди сага арнайм+.
13 Мандрагоранын*+ жыты аңкыйт, эшигибиздин алдында тандамал мөмөлөр арбын+. Жаңыларын да, эскилерин да сага сактап койдум, сүйгөн жигитим.
Шилтемелер
^ Ит жүзүмдөр тукумундагы мөмө берүүчү өсүмдүк.
