1 Жылнаама 10:1—14
10 Пелиштиликтер+ ысрайылдыктар менен согушуп, ысрайылдыктар алардан качып жөнөштү. Пелиштиликтер болсо аларды Гилбоя тоосунда+ кырып жатышты.
2 Алар Шабул менен анын уулдарынын+ артынан сая түшүп, анын уулдарын: Жонатанды+, Абынадапты+, Малкишуаны+ өлтүрүштү.
3 Анан Шабулга катуу сокку ура башташты. Жаа аткандар аны жарадар кылышты+.
4 Шабул куралын көтөргөн жигитине+: «Кылычыңды сууруп+, мени сайып сал. Болбосо бул сүннөткө отургузулбагандар келип+, мени маскара кылышат»,— деди+. Бирок ал коркуп, болбой койду+. Ошондо Шабул кылычына сайынып өлдү+.
5 Анын өлгөнүн көрүп, курал көтөргөн жигити да кылычына сайынып өлдү+.
6 Ошентип, Шабул, анын үч уулу, ошондой эле ал жерде анын үйүндөгүлөрүнөн кимдер болсо, ошолордун баары өлдү+.
7 Өрөөндө жашаган ысрайылдыктар ысрайылдык жоокерлердин душмандардан качканын, Шабул менен анын уулдарынын өлгөнүн көрүп, шаарларын таштап, качып жөнөштү+. Пелиштиликтер келип, ал шаарларды ээлеп алышты.
8 Кийинки күнү пелиштиликтер өлгөндөрдүн буюмдарын тоногону келип+, Гилбоя+ тоосунан Шабул менен анын уулдарынын өлүгүн табышты.
9 Алар Шабулдун бүт нерсесин, курал-жарагын чечип, башын кесип алышты да+, бул тууралуу өздөрүнүн буркандарына+ жана элге жарыялаш үчүн+ бүт Пелишти жерине кабар жиберишти.
10 Анан анын куралын өздөрүнүн кудайынын үйүнө коюп+, баш сөөгүн Дагондун үйүнө илип коюшту+.
11 Жабеш-Гилаттын+ бардык тургундары пелиштиликтердин Шабулду эмне кылышканын+ укканда,
12 алардын эр жүрөк кишилеринин баары барып, Шабул менен анын уулдарынын өлүгүн Жабешке+ алып келишти да, чоң дарактын түбүнө көөмп+, жети күн орозо тутушту+.
13 Ошентип, Шабул Жахабага ишенимсиздик көрсөтүп+, Жахабанын сөзүн аткарбаганы үчүн жана өлгөндөрдү чакырган аялга кайрылганы үчүн+ өлдү.
14 Ал Жахабага кайрылган жок+. Ошондуктан Кудай аны өлтүрүп, падышалык бийликти Жышайдын уулу Дөөтүгө берди+.
