1 Шемуел 30:1—31
30 Үчүнчү күнү Дөөтү кишилери менен Сыклакка+ кайтып келатканда, Амалыктын тукумдары+ түштүккө жана Сыклакка кол салып, Сыклакты талкалап, өрттөп кетишти.
2 Ал эми аялдар+ менен шаардагылардын баарын, жашынан карысына чейин, туткундап кетишти, эч кимисин өлтүрүшкөн жок.
3 Дөөтү менен анын кишилери шаарга келип, шаардын өрттөлгөнүн, аялдары менен уул-кыздарынын туткундалып кеткенин көрүштү.
4 Ошондо баары боздоп ыйлай башташты+, акырында алардын ыйлаганга да алы келбей калды.
5 Дөөтүнүн эки аялы тең: изреилдик Акиноам+ менен мурда кармелдик Набалдын аялы болгон Абигейил+ да туткундалып кетиптир.
6 Дөөтү абдан оор жагдайга туш болду+, анткени уул-кыздары туткундалып кеткенине жаны кашайган кишилер+ аны таш бараңга алгысы келди+. Ошондо Дөөтү Жахаба Кудайынын жардамы менен бекемделди+.
7 Дөөтү Акимелектин уулу дин кызматчы Абыятарга+: «Эфодду алып келчи»,— деди+. Абыятар эфодду алып келди.
8 Дөөтү Жахабадан: «Бул каракчылардын артынан барайынбы? Аларды кууп жетемби?» — деп сурады+. Ал: «Жөнө, сен аларды кууп жетип, элиңди куткарып аласың»+,— деп жооп берди+.
9 Дөөтү жанындагы 600 кишиси+ менен дароо алардын артынан жөнөдү. Бесор өзөнүнө жеткенде кээ бирлери ошол жерде калышты.
10 Ошентип, анын 200 кишиси катуу чарчагандыктан Бесор+ өзөнүнөн өтө албай, ошол жерде калып калышты. Дөөтү болсо 400 кишиси менен андан ары жөнөдү+.
11 Жолдо баратып алар талаадан мисирлик бир кишини+ таап алышты. Аны Дөөтүгө алып келип, нан, суу беришти.
12 Ошондой эле анжирдин ныкталып жасалган кагынан бир үзүм, жүзүмдүн ныкталып жасалган кагынан экини беришти+. Ал аны жеп, күчтөнүп калды+. Көрсө, ал киши үч күн, үч түн нан да жебептир, суу да ичпептир.
13 Дөөтү андан: «Кимсиң, каяктан болосуң?» — деп сурады. Ал: «Мен мисирликмин, Амалыктын тукумдарынан болгон бир кишинин кулумун. Үч күн мурун мен ооруп калып, мырзам мени таштап кетип калды+.
14 Биз керейтиликтер+ жашаган жердин түштүгүнө, Жүйүт жерине, Калептин+ түштүгүнө жортуулга бардык, Сыклакты болсо өрттөп жибердик»,— деп жооп берди.
15 Дөөтү андан: «Мени ошол каракчыларга алып барасыңбы?» — деп сурады. Ал: «Мени өлтүрбөй турганыңды, мырзамдын колуна салып бербей турганыңды айтып+, Кудайды оозанып ант берсең+, алып барам»,— деди.
16 Ошентип, ал Дөөтүнү алар токтогон жерге алып барды+. Амалыктын тукумдары пелиштиликтердин жеринен жана Жүйүт жеринен көп олжо алып келишкенине кубанып+, ар-ар жерде ичип-жеп, тойлоп жатышкан эле+.
17 Дөөтү алар менен таң аткандан кечке чейин согушуп, баарын кырып таштады. Төө минип качып кеткен 400 жигиттен башка эч кимиси аман калган жок+.
18 Дөөтү Амалыктын тукумдары туткундап кеткендердин баарын+, анын ичинде өзүнүн эки аялын да бошотуп алды.
19 Алардын эч кимиси: кичинеси да, чоңу да, уулдары да, кыздары да эч нерсе болбоптур. Олжого кеткен нерселерден да эч нерсе кемибептир+. Ошентип, Дөөтү бардыгын кайтарып алды.
20 Андан сырткары, алардын майда малы менен бодо малынын баарын тартып алды. Дөөтү менен баргандар аларды: «Булар — Дөөтүнүн олжосу» — деп+, өзүлөрүнүн малынын алдына салып айдап алышты.
21 Андан кийин Дөөтү эки жүз кишисине+, аябай чарчаганынан аны менен жол жүрө албай, Бесор өзөнүндө калып калган кишилерине, кайтып келди. Алар Дөөтү менен анын жанындагыларды тосуп чыгышты. Дөөтү алардын жанына келип, ал-жайын сурады.
22 Ошондо Дөөтү менен баргандардын арасындагы кара ниет, начар кишилер+: «Булар биз менен барбай коюшкан, ошондуктан буларга түшкөн олжодон эч нерсе бербейбиз. Аялдары менен балдарын алышсын да, кете беришсин»,— дешти.
23 Бирок Дөөтү: «Бир туугандарым, мындай кылбагыла. Мунун баарын бизге Жахаба берди+. Ал бизди коргоп+, бизге кол салган каракчыларды колубузга салып берди+.
24 Силердикин ким туура көрсүн? Согушка баргандар канча үлүш алса, жүктүн+ жанында калгандар да ошончо үлүш алат. Баары үлүш алат»,— деди+.
25 Ошол күндөн тартып Дөөтүнүн бул айткандары Ысрайыл үчүн көрсөтмө, мыйзам болуп калды+.
26 Сыклакка келгенде Дөөтү олжосунан досторуна+, Жүйүт аксакалдарына жөнөтүп: «Бул — Жахабанын душмандарынан тартып алган олжодон силерге деген белек*»,— деп айттырып жиберди+.
27 Ошентип, ал Бейтелдегилерге+, түштүктөгү Рамоттогуларга+, Жатирдегилерге+,
28 Ароердегилерге, Шипмоттогуларга, Эштемодогуларга+,
29 Рахалдагыларга, Жерахмелдин тукумдары+ жашаган шаардагыларга, кейниликтер жашаган шаардагыларга+,
30 Хормадагыларга+, Борашандагыларга+, Атахтагыларга,
31 Хеброндогуларга+, ошондой эле өзү менен кишилери жүргөн жерлердегилердин баарына белек жөнөттү.
Шилтемелер
^ Же: «бата».
