2 Жылнаама 2:1—18
2 Сулайман Жахабанын ысмына арнап+ үй курууга+ жана өзүнө падыша сарайын курууга+ буйрук берди.
2 Ал жүк көтөргөнгө 70 000, тоолордо таш кескенге 80 000 киши тандап+, аларды көзөмөлдөп турууга 3 600 кишини дайындады+.
3 Андан сырткары, Сулайман Тирдин падышасы Хирамга+ мындай деп айттырып жиберди: «Сиз атам Дөөтү менен жакшы мамиледе болчусуз+. Ага өзүнө үй курсун деп бал карагайларды жибергенсиз.
4 Эми мен Жахаба Кудайымдын ысмына арнап+ үй курганы+, аны ыйыктаганы жатам+. Анткени ал жерде Кудайдын алдында жыпарзат түтөтүп+, дайыма нан коюп+, ар бир ишембиде+, ай жаңырганда+, Жахаба Кудайыбызга арналган майрамдарда+ эртең менен жана кечинде бүтүндөй өрттөлүүчү курмандыктарды чалып турушат+. Бул Ысрайылга түбөлүккө берилген көрсөтмө болот+.
5 Мен кура турган үй заңгыраган үй болушу керек+, себеби биздин Кудайыбыз башка кудайлардын баарынан улук+.
6 Ага үй курганга кимдин күчү жетет?+ Анткени аны асман, асмандын асманы да батыра албайт+. Анын алдында курмандык түтүнүн түтөтүш үчүн+ эле жай курбасам, ага үй кургудай мен ким болуп калыптырмын?+
7 Ошондуктан мага алтындан, күмүштөн, жезден, темирден, кызгылт көк, кочкул кызыл жүндөн, көк жиптен ар кандай нерселерди жасаганды, оймо-чийме түшүргөндү билген жөндөмдүү киши жибериңиз+. Ал Жүйүт жериндеги, Иерусалимдеги атам Дөөтү дайындаган усталар менен бирге иштейт+.
8 Ошондой эле мага Лебанондо+ өскөн бал карагайлардан+, арча+ менен кызыл дарактан+ жибериңиз, анткени мен билгенден, сиздин кулдарыңыз Лебанондо+ өскөн дарактарды кыйганды жакшы билишет. Менин кулдарым болсо сиздин кулдарыңыз менен чогуу иштейт.
9 Алар мага көп устун камдап беришсин, анткени мен кура турган үй заңгыраган үй болушу керек.
10 Мен болсо сиздин бак кыйып, жыгач камдай турган кулдарыңыздын тамак-ашына 20 000 кор* буудай+, 20 000 кор арпа, 20 000 бат* шарап+, 20 000 бат май берем».
11 Тирдин падышасы Хирам+ Сулайманга: «Жахаба элин сүйгөндүктөн+ сени аларга падыша кылып дайындады»+,— деп кат жазып,
12 анан мындай деп улады: «Дөөтү падышага акылдуу, Жахабага арнап үй кура турган жана өзүнө падыша сарайын кура турган+ эстүү, түшүнүгү терең уул бергени үчүн+ асман-жерди жараткан+ Ысрайылдын Кудайы Жахабага даңк+.
13 Мен сага өзүнүн ишин мыкты билген Хирам-Аби деген жөндөмдүү кишини жиберип жатам+.
14 Анын энеси Дандын тукумдарынан болот, ал эми атасы — Тирдин тургуну. Ал алтындан, күмүштөн, жезден, темирден, таштан+, жыгачтан, кызгылт көк жүндөн+, көк жиптен+, өзгөчө чебердик менен токулган кездемеден+, кочкул кызыл жүндөн+ ар кандай нерселерди жасаганды, ар түрдүү оймо-чиймелерди түшүргөндү+ жакшы билет+. Ошондой эле ал, өзүнө кандай иш тапшырылбасын, аны чыгармачылык менен+ аткаруунун жолун да табат. Ал сенин жана сенин атаңдын, мырзам Дөөтүнүн, усталары менен бирге иштесин.
15 Ал эми мырзам өзү убада кылган буудайды, арпаны, май менен шарапты кулдарына берип жиберсин+.
16 Биз Лебанондон сага канча керек болсо, ошончо+ бак кыйып+, аларды сал кылып, деңиз аркылуу+ Жапага+ агызып жиберебиз. Андан ары аларды Иерусалимге өзүң жеткирип ал».
17 Сулайман, атасы Дөөтү санагандай+, Ысрайыл жеринде келгин катары жашап жаткан эркектердин баарын санап чыкты+. Алардын саны 153 600 болду.
18 Сулайман алардын 70 000ин жүк көтөргөнгө+, 80 000ин тоолордо таш кескенге+, ал эми 3 600үн иштеп жаткандарды көзөмөлдөп турууга дайындады+.
