2 Жылнаама 28:1—27
28 Ахаз+ жыйырма жашында такка отуруп, Иерусалимде он алты жыл падышалык кылды+. Чоң аталарынан болгон Дөөтүдөн айырмаланып, ал Жахабанын көз алдында туура эмес иштерди кылды+.
2 Ахаз Ысрайыл падышаларынын жолу менен жүрдү+, атүгүл Баалдардын+ айкелдерин куйду+.
3 Ал Жахаба Ысрайыл уулдарынын алдынан кууп чыккан элдер кылган+ жийиркеничтүү иштерди кылып+, Ином уулунун өрөөнүндө+ курмандык түтүнүн түтөтүп+, өзүнүн уулдарын отко салды*+.
4 Ошондой эле бийик жерлерде+, дөбөлөрдө+ жана ар бир шактуу дарактын түбүндө+ дайыма курмандык чалып+, курмандык түтүнүн түтөттү.
5 Ошондуктан Жахаба Кудайы аны Сирия падышасынын+ колуна салып берди+. Сириялыктар аны жеңип, көп кишисин Дамаскка+ туткундап кетишти. Кудай аны Ысрайыл падышасынын+ да колуна салып берди, ал ага катуу сокку урду.
6 Ремалиянын уулу+ Пеках+ бир күндө Жүйүттүн жүз жыйырма миң эр жүрөк жоокерин өлтүрдү, анткени алар ата-бабаларынын Кудайы Жахабаны таштап коюшкан эле+.
7 Эпрайым+ уруусундагы Зихри деген күчтүү жоокер болсо падышанын Маасея деген уулун, ак сарай башчысы Азрикамды жана падышадан кийинки кишини, Элкананы, өлтүрдү.
8 Андан сырткары, Ысрайыл уулдары өздөрүнүн бир туугандарынын эки жүз миң кишисин, аялдары менен уул-кыздарын, туткундап, көп мал-мүлкүн Самарияга+ олжолоп алып кетишти.
9 Ал жерде Жахабанын Одет деген пайгамбары бар эле. Ал Самарияга кайтып бараткан аскерлердин алдынан чыгып, мындай деди: «Сөзүмө кулак салгыла! Ата-бабаларыңардын Кудайы Жахаба жүйүттөргө каардангандыктан+ аларды колуңарга салып берген болчу. Силер болсо каарыңарды төгүп, аларды ырайымсыздык менен өлтүрдүңөр. Силердин ырайымсыздыгыңар+ асманга чейин жетти+.
10 Эми болсо Жүйүт менен Иерусалимдин элин өзүңөргө кул+, күң кылганы жатасыңар. Өзүңөр, эмне, Жахаба Кудайыңардын алдында эч качан күнөө кылган эмес белеңер?
11 Сөзүмө кулак салгыла! Туткундап алган бир туугандарыңарды коё бергиле+, анткени Жахаба силерге каарданып жатат»+.
12 Муну укканда Эпрайым+ уулдарынын башчыларынын айрымдары+, атап айтканда, Жахонандын уулу Азария, Мешилемоттун уулу Берекия, Шалумдун уулу Жехиския жана Хадлайдын уулу Амаса согуштан кайтып келаткан жоокерлерге каршы чыгып:
13 «Туткундарды бул жакка алып келбегиле, болбосо Жахабанын алдында айыптуу болуп калабыз. Эмне, бизди ого бетер айыптуу кылып, күнөөлөрүбүздү көбөйткөнү жатасыңарбы?+ Ансыз деле айыбыбыз көп болуп, Кудай Ысрайылга каарданып жатат»,— дешти+.
14 Ошондо жоокерлер+ туткундар+ менен олжону төрөлөр+ менен элге тапшырышты.
15 Атынан аталып дайындалган кишилер+ кийими жок туткундардын баарына олжолоп алган кийимдерден берип+, буттарына сандал кийгизип, курсагын тойгузуп+, суусунун кандырып+, май менен майлашты. Анан баса албай калгандарын эшекке мингизип+, Жерихого+, курма дарактары өскөн шаарга+, бир туугандарына алып барышты да, өздөрү кайра Самарияга+ кайтышты.
16 Ошол убакта Ахаз+ падыша жардам сурап Ашур падышаларына+ киши жиберди.
17 Эдомдуктар+ дагы келип, Жүйүттү талкалап, тургундарын туткундап кетишти.
18 Пелиштиликтер+ болсо Жүйүт жериндеги Шепеладагы+ жана Негептеги+ шаарларга кол салып, Бет-Шемешти+, Айлонду+, Гедеротту+, Сокону+ жана ага караштуу шаарларды, Тимна+ менен Гимзону жана аларга караштуу шаарларды басып алып, ошол жерлерге отурукташышты.
19 Ошентип, Ысрайыл падышасы Ахаз Жахабага чоң ишенимсиздик көрсөткөндүктөн жана анын айынан Жүйүт жериндегилер абдан бузулгандыктан+, Жахаба Жүйүттү басынтты+.
20 Кийинчерээк Ахазга Ашур падышасы Тиглатпилнесер*+ келди. Бирок ал ага жардам бербей эле, кайра кысым көрсөтө баштады+.
21 Ошондо Ахаз Жахабанын үйүндөгү+ жана падыша+ менен төрөлөрдүн+ үйүндөгү буюмдардын баарын алып, Ашур падышасына белекке берди+, бирок андан да эч майнап чыккан жок.
22 Ашур падышасы кысым көрсөткөндө, Ахаз падыша Жахабага мурдагыдан да көбүрөөк ишенимсиздик көрсөтө баштады+.
23 Дамасктын+ кудайларына сыйынгандар ага катуу сокку уруп жаткандыктан, ал: «Сирия падышаларынын кудайлары аларга жардам берип жатышат+. Эгер ал кудайларга курмандык чалсам, мага да жардам беришет» — деп ойлоп+, аларга курмандык чала баштады+. Бирок алар анын жана бүт Ысрайылдын ого бетер күнөөгө батышына себеп болду+.
24 Ахаз чыныгы Кудайдын үйүндөгү буюмдардын+ баарын чогултуп, аларды талкалады+. Ал Жахабанын үйүнүн эшиктерин бекитип+, Иерусалимдин ар кайсы бурчуна курмандык жайларын курду+.
25 Башка кудайларга курмандык түтүнүн түтөтүш үчүн+ бардык шаарларга, атүгүл Жүйүттөгү шаарларга да бийик жерлерди жасап+, ата-бабаларынын Кудайы Жахабаны капалантты+.
26 Ахаздын калган иштери+, анын эмнелерди кылганы, алгачкы жана акыркы иштери, Жүйүт падышалары менен Ысрайыл падышаларынын китебинде жазылган+.
27 Акыр-аягы, ал ата-бабаларына кошулду. Анын сөөгүн Иерусалим шаарына коюшту, бирок Ысрайыл падышалары коюлган жерге эмес, башка жерге коюшту+. Анын ордуна уулу Хиския падыша болду.
