3 Жакан 1:1—14
1 Сүйүктүү Гайга аны чындап жакшы көргөн+ аксакалдан+.
2 Сүйүктүү+ бир тууганым, мурдагыдай эле бардык жагынан ийгиликке жетип+, ден соолукта болушуң үчүн+ тиленем.
3 Бир туугандар келип, сенин баштагыдай эле чындыкка бек карманып, чындык жолунда жүргөнүңдү айтып беришкенде, абдан сүйүндүм+.
4 Мен үчүн балдарымдын чындык жолунда жүргөнүн уккандан өткөн кубаныч* жок+.
5 Сүйүктүү бир тууганым, сен өзүң тааныбаган бир туугандарга да+ ишенимдүүлүк менен кызмат кылып жатасың+.
6 Алар сенин сүйүүң жөнүндө бүт жыйналыштын алдында айтып беришти. Ал бир туугандарды Кудайга жаккыдай кылып узатышыңды суранам+.
7 Анткени алар башка элдерден эч нерсе албай+, Кудайдын ысмы үчүн жолго чыгышкан.
8 Ошондуктан, чындык жолунда кызматташ болушубуз үчүн+, андай бир туугандарга меймандостук көрсөтүүгө милдеттүүбүз+.
9 Жыйналышка айрым нерселерди жазган элем, бирок алардын арасында биринчи болгонду жакшы көргөн+ Диотреф биздин айткандарыбызды кабыл албай+, тоготпой жатат+.
10 Ошондуктан, эгер барсам, кылып жаткан иштерин ашкерелейм+. Ал биз жөнүндө жаман сөздөрдү таратып жүрөт+. Анысы аз келгенсип, бир туугандарды+ урмат-сый менен кабыл албай жатат, ал эми кабыл алгысы келгендерге+ тоскоолдук кылып+, аларды жыйналыштан чыгарганга аракет кылып жатат+.
11 Сүйүктүү бир тууганым, жамандык кылгандан эмес, жакшылык кылгандан үлгү ал+. Жакшылык кылган киши Кудайдан+, жамандык кылган киши Кудайды көргөн эмес+.
12 Димитир жөнүндө болсо баары жакшы сөздөрдү айтып жатышат+. Ал сөздөрдүн чын экенин өзү да чындыкка ылайык жашаганы менен көрсөтүп жатат. Муну биз да ырастайбыз+, ал эми биздин айткандарыбыз чындык экенин өзүң билесиң+.
13 Сага дагы көп нерсе айткым келет, бирок анын баарын сыя, калем менен жазгым келген жок+.
14 Анткени сени жакында көрөм деп үмүттөнөм. Ошондо бетме-бет сүйлөшөбүз+.
Сага тынчтык болсун+.
Бул жактагы достор сага салам айтып жатышат+. Сен да менден ал жактагы достордун ар бирине салам айтып кой+.
Шилтемелер
^ Сөзмө-сөз: «ыраазычылык».
