Амос 1:1—15
1 Текоялык+ койчу Амостун* сөздөрү. Ал Жүйүттүн падышасы Узиянын,+ Ысрайылдын падышасы Жоаш+ уулу Жеробамдын+ күндөрүндө, жер титирөө+ болордон 2 жыл мурун, ысрайыл эли жөнүндө аян алды.
2 Ал мындай деди:
«Жахаба* Сиондон арстандай арылдайт,Анын үнү Иерусалимден угулат.
Ошондо койчулардын жайыттары куйкаланып калат,Кармел тоосунун чокусунда өскөн чөп куурайт».+
3 «Жахаба мындай дейт:
„“Дамасктын үч, атүгүл төрт* козголоңу* үчүн чечимимди өзгөртпөйм.
Себеби анын тургундары Гилатты темир эгин бастыргыч менен бастырган.+
4 Ошон үчүн Хазаелдин+ үйүнө от коём,Ал Бенадаттын чептүү мунараларын жалмап кетет.+
5 Дамасктын+ дарбазаларынын бекиткичтерин сындырам,Бекат-Абендин тургундарын да,Бет-Эдемде падышалык кылганды да жок кылам.
Сириянын эли Кирге туткундалып кетет”.+ Жахаба мына ушундай деди“.
6 Жахаба мындай дейт:
„“Газанын+ үч, атүгүл төрт козголоңу үчүн чечимимди өзгөртпөйм.
Себеби анын тургундары туткундарынын баарын айдап барып,+Эдомдун колуна салып беришкен.
7 Ошон үчүн Газанын дубалдарына от коём,+Ал анын чептүү мунараларын жалмап кетет.
8 Азоттун* тургундарын да,+Ашкелондо падышалык кылганды да жок кылам.+
Экронду жазага тартам,+Ошондо пелиштиликтердин аман калгандары кырылат”.+ Эгедер Теңир Жахаба мына ушундай деди“.
9 Жахаба мындай дейт:
„Тирдин+ үч, атүгүл төрт козголоңу үчүн чечимимди өзгөртпөйм.
Себеби анын тургундары туткундарынын баарын Эдомдун колуна салып беришкен,Мурун түзүлгөн бир туугандык келишимди унутуп коюшкан.+
10 Ошон үчүн Тирдин дубалдарына от коём,Ал анын чептүү мунараларын жалмап кетет“.+
11 Жахаба мындай дейт:
„Эдомдун+ үч, атүгүл төрт козголоңу үчүн чечимимди өзгөртпөйм.
Себеби анын тургундары боордошторун кылыч менен куушкан.+
Аларга кайрымдуулук кылышкан эмес;Жаалданып, аларды жырткычтай жара тартып жатышат,Дагы эле жаалын чачып жатышат.+
12 Ошон үчүн Темандын+ дубалдарына от коём,Ал Бозранын+ чептүү мунараларын жалмап кетет“.
13 Жахаба мындай дейт:
„“Амондун тукумдарынын+ үч, атүгүл төрт козголоңу үчүн чечимимди өзгөртпөйм.
Себеби алар өз аймагын кеңейтиш үчүн+Гилаттагы кош бойлуу аялдардын ичин жарган.
14 Ошон үчүн Раббанын дубалдарына от коём,+Ал анын чептүү мунараларын жалмап кетет.
Ошол күн согуш урааны угулган,Катуу шамалдан айлана алай-дүлөй түшкөн күн болот.
15 Алардын падышасы төрөлөрү менен кошо туткундалып кетет”.+ Жахаба мына ушундай деди“.
Шилтемелер
^ Мааниси: «жүк» же «жүк көтөргөн».
^ «Үч, атүгүл төрт» деген сөздөр козголоңдун же иш-аракеттин кайра-кайра кайталанганын билдириши мүмкүн.
^ Же: «кылмышы».
^ Ашдоддун.
