Амос 3:1—15
3 «Оо, ысрайыл эли, Жахабанын силер жөнүндө айткан сөзүн уккула. Ал Мисир жеринен алып чыккан эли тууралуу мындай дейт:
2 „Жер жүзүндөгү элдердин арасынан силерди гана элим кылып тандап алгам*.+
Ошондуктан силерди бардык кылмыштарыңар үчүн жоопко тартам.+
3 Макулдашып алып жолугушпаса, эки киши чогуу жолго чыгабы?
4 Жемин көрбөсө, токойдогу арстан арылдайбы?
Эч нерсе кармабаса, жаш арстан жаткан жайынан үн чыгарабы?
5 Тузак тартылбаса*, куш түшөбү?
Эч нерсе түшпөсө, тузак кыймылдайбы?
6 Шаарда мүйүз сурнай тартылса, эл титиребей коёбу?
Жахаба жибербесе, шаарды кырсык басабы?
7 Себеби Эгедер Теңир Жахаба кызматчыларына — пайгамбарларына — купуя сырын ачпай туруп эч нерсе кылбайт.+
8 Арстан арылдаса,+ ким коркпойт?
Эгедер Теңир Жахаба өзү айтса, ким пайгамбарлык кылбайт?“+
9 „Азоттогу чептүү мунаралардан,Мисирдеги чептүү мунаралардан мындай деп жар салгыла:
“Самариянын тоолоруна чогулуп,+Андагы баш аламандыкты,Алдамчылыкты көргүлө.+
10 Себеби алар туура иш кылганды билишпейт,Ошон үчүн чептүү мунараларын зордук-зомбулук, талап-тоноочулук менен толтуруп жатышат”,— дейт Жахаба“.
11 Ошондуктан Эгедер Теңир Жахаба мындай дейт:
„Бул жерди душман курчап алат,+Ал сени алдан тайдырып,Чептүү мунараларыңды талап-тоноп кетет“.+
12 Жахаба мындай дейт:
„Койчу арстандын оозунан малдын эки эле шыйрагын же кулагынын жартысын эле жулуп алгандай,Самарияда укмуш төшөктөрдө, кымбат сөөрүлөрдө* отурган ысрайылдыктардын азы гана душмандын колунан куткарылат“.+
13 Эгедер Теңир, асман аскерлеринин Кудайы Жахаба мындай дейт: „Уккула да, Жакыптын урпактарына эскерткиле*.
14 Себеби ошол күнү мен ысрайыл элин бүт козголоңу үчүн жоопко тартам,+Бейтелдеги курмандык жайларын да талкалайм.+
Курмандык жайынын мүйүздөрү кыя чабылып, жерге түшөт.+
15 Мен кышкы үйдү жайкы үй менен кошо кыйратам“.
„Пилдин сөөгү менен кооздолгон үйлөр талкаланат,+Заңгыраган* үйлөр жок болот“,+— дейт Жахаба».
Шилтемелер
^ Сөзмө-сөз: «билем».
^ Же балким: «Тузактын ичинде жем болбосо».
^ Же: «Дамасктын сөөрүлөрүндө».
^ Же: «каршы күбөлөндүргүлө».
^ Же балким: «Көптөгөн».
