Амос 4:1—13
4 «Самария тоосундагы+ Башандын уйларындай болгон аялдар,Бей-бечараларды алдагандар,+Жакырларды эзгендер,Күйөөлөрүнө*: „Шарап алып кел!“ — дегендер, уккула.
2 Эгедер Теңир Жахаба өзүнүн ыйыктыгын оозанып мындай деп ант берди:
„“Душман силерди касапчынын илмегине эттей кылып иле турган,Калганыңарды кайырмакка илип тартып чыгара турган күндөр келатат.
3 Ошондо ар бириңер өз тушуңардагы дубалдын тешигинен чыгасыңар да,Хармонго ыргытыласыңар”,— дейт Жахаба“.
4 „Бейтелге барып, кылмыш кылгыла.+
Гилгалга барып, кайра-кайра кылмыш кылгыла*!+
Эртең менен курмандыктарыңарды чалгыла,+Үчүнчү күнү ондуктарыңарды* алып баргыла.+
5 Ачыткы кошулган нанды Кудайга ыраазычылык билдириш үчүн тартуу катары өрттөгүлө,+Ыктыярдуу курмандыгыңар жөнүндө жар салгыла!
Себеби ошенткенди жакшы көрөт эмессиңерби, ысрайыл эли“,— дейт Эгедер Теңир Жахаба.
6 „Мен силерди бардык шаарларыңарда ачка калтырдым,Үйлөрүңөрдүн биринде да жегенге нан калтырган жокмун,+Ошондо да мага кайтып келген жоксуңар“,+— дейт Жахаба.
7 „Оруп-жыюу маалына үч ай калса да, нөшөр жиберген жокмун,+Бир шаарга жаан жаадырсам, экинчисине жаадырган жокмун.
Бир талаа жамгырга сугарылса,Экинчиси жамгыр жаабагандыктан какшып калды.
8 Суу ичкенге эки-үч шаардын эли бир шаарга чогулуп жатты,+Бирок суусунун кандыра алышкан жок.
Силер ошондо да мага кайтып келген жоксуңар“,+— дейт Жахаба.
9 „Түшүмүңөрдү ысык шамалга куйкалаттым, көк бастырдым.+
Багыңар, жүзүмзарыңар көбөйсө да,Анжир дарагыңарды, зайтун дарагыңарды чегиртке жеди,+Ошондо да мага кайтып келген жоксуңар“,+— дейт Жахаба.
10 „Силерге Мисирдеги оорудай жугуштуу оору жибердим.+
Улан-жигиттериңерди кылыч менен өлтүрүп,+ аттарыңарды айдап кеттим.+
Жериңерге конушуңардагы өлүктөрдүн каңырсыган жытын каптаттым.+
Ошондо да мага кайтып келген жоксуңар“,— дейт Жахаба.
11 „Содом менен Аморду кыйратканымдай,+Силерди да кыйраттым.
Силер оттон алынган чычаладай болдуңар.
Ошондо да мага кайтып келген жоксуңар,+— дейт Жахаба.—
12 Ошон үчүн, оо, ысрайыл эли, силерди кайрадан жазалайм.
Силерди сөзсүз жазалайм,Ошондуктан, ысрайыл эли, мени менен — Кудайың менен — жолугушканга даяр бол“.
13 Ал тоолорду калыптаган,+ шамалды жараткан.+
Ал пендесине ой-ниетин айтпай койбойт.
Ал таңды түнгө айлантат,+Бийик чокуларда басып жүрөт.+
Анын ысмы — асман аскерлеринин Кудайы Жахаба».
