Амос 6:1—14
6 «Сиондо өзүнө өзү корстон болгондордун,Самария тоосунда бейкапар жашагандардын,+Көрүнүктүү элдин арасындагы атактуу кишилердин,Ысрайыл эли таянгандардын башына каран түн түшөт!
2 Калнеге баргыла,Ал жактан чыгып, Улуу Хаматка+ баргыла,Андан соң пелиштиликтер жашаган Гатка баргыла да, көргүлө:
Алар ушул эки падышалыктан* жакшы бекен?
Же алардын жери силердикинен чоң бекен?
3 Силер келе турган каргашалуу күндү ойлобой,+Зордук-зомбулукчул кишилердин башкаларды эзишине жол берип жатасыңар.+
4 Пилдин сөөгүнөн+ жасалган керебеттерде жатасыңар, сөөрүлөрдө керилип жатасыңар,+Отордогу кочкорлордун, бордолгон торпоктордун* этин жеп,+
5 Кыл аспап чертип ырдаганга ыр чыгарып,+Дөөтүдөй болуп жаңы аспаптарды ойлоп таап жатасыңар.+
6 Чөйчөктөн шарап ичип,+Эң жакшы майлар менен майланып жатасыңар.
Жусуптун урпактарынын башына түшкөн кырсыкты көрүп турсаңар да, кайдыгерсиңер.+
7 Ошон үчүн биринчилерден болуп туткунга кетесиңер,+Керилип жаткандардын той-тамашасы токтойт.
8 „Мен, Эгедер Теңир Жахаба, өзүмдү оозанып ант бердим,+— дейт асман аскерлеринин Кудайы Жахаба.—
Мен Жакыптын урпактарынын текебердигинен жийиркенем,+Алардын чептүү мунараларын жек көрөм,+Шаары менен андагынын бүт баарын душмандарына берем.+
9 Эгер кайсы бир үйдө 10 киши калса, алар да өлөт.
10 Тууганы* аларды сыртка алып чыгып, бир-бирден өрттөйт. Үйдөн алардын сөөгүн алып чыккандан кийин, төркү бөлмөлөрдө ким болсо, ошондон: “Үйдө дагы бирөө барбы?” — деп сурайт. Тиги: “Жок”,— деп жооп берет. Ошондо ага: “Унчукпа! Азыр Жахабанын ысмын оозго ала турган убак эмес”,— дейт“.
11 Мен, Жахаба, буйрук берип жатам,+Ошон үчүн чоң үй урап,Кичине үйдүн таш-талканы чыгат.+
12 Аттар асканын үстүндө чуркайбы?
Адамдар ал жакта өгүз менен жер айдайбы?
Силер болсо адилеттүүлүктү уулуу чөпкө,Адилдиктин жемишин эрменге айландырдыңар.+
13 Болбогон эле бир нерсеге кубанып:
“Биз өзүбүз эле күчтүү болуп кеттик”,— деп жатасыңар.+
14 Ошон үчүн, оо, ысрайыл эли, мен бир элди силерге каршы чыгарам.+
Алар Лебо-Хаматтан*+ Араба өзөнүнө чейин үстөмдүк кылып, силерди эзишет“,— дейт асман аскерлеринин Кудайы Жахаба».
Шилтемелер
^ Сыягы, Жүйүт жана Ысрайыл падышалыктары жөнүндө айтылып жатат.
^ Же: «букачарлардын».
^ Сөзмө-сөз: «Атасынын бир тууганы».
^ Же: «Хаматтын кире беришинен».
