Аюп 10:1—22
10 Жашоого тоюп кеттим*.+
Ичимдеги арманымды төгөм,Өзөгүм өрттөнгөндүктөн сүйлөйм!
2 Кудайга мындай дейм: „Мени айыпка жыкпа.
Мага эмнеге каршы чыгып жатканыңды түшүндүр.
3 Ыймансыздардын ой-максатына батаңды берип,Мени болсо эзгениңен,Өз колуң менен жаратканыңды+ жеригениңен сага эмне пайда?
4 Сенин көзүң адамдын көзүндөй беле?
Же сен ажалдуу адам карагандай карайсыңбы?
5 Өмүр күндөрүң ажалдуу пенденикиндей саналуу элеби?
Же жылдарың адамдыкындай кыска элеби?+
6 Анда эмнеге менден айып издеп,Күнөө тапканга аракет кылып жатасың?+
7 Сен менин жазыксыз экенимди билесиң;+Сенин колуңан мени эч ким куткара албайт.+
8 Мени өз колуң менен калыпка салып, жаратпадың беле,+Эми өзүң түп-тамырым менен жок кылганы жатасың.
9 Эстечи, мени ылайдан жасабадың беле,+Эми минтип кайра топуракка айландыргың келип жатат.+
10 Мени сүт сыяктуу куйбадың беле,Быштак сыяктуу уютпадың беле.
11 Мага тери менен эт чаптап,Денемди сөөк, тарамыштар менен бириктирбедиң беле.+
12 Өмүр берип, дайыма сүйүүңө бөлөп,Мени* коргоп, кам көрүп келбедиң беле.+
13 Бирок мага ушундай жамандык кылууну жашыруун ойлоп жүрүптүрсүң.
Мунун баарын сен кылып жатканыңды билем.
14 Эгер күнөө кылсам, анымды көрмөксүң,+Кылмышымды кечирбейт болчусуң.
15 Эгер айыбым болсо, шорумдун катканы!
Атүгүл айыбым жок болсо да, башымды көтөргөнгө батынбайм,+Анткени аябай уят болдум, азапка малындым.+
16 Баш көтөрсөм, мага арстандай кол саласың,+Кайрадан мага каршы күчүңдү колдоносуң.
17 Мага каршы жаңы күбөлөрдү алып келип жатасың,Каарың ого бетер кайнап,Башыма улам бир кырсык түшүп жатат.
18 Энемдин ичинен мени эмнеге чыгардың экен?+
Эч ким көрө электе эле өлүп калсам кана.
19 Ошондо эч качан болбогондой эле болмокмун,Жатындан түз эле көргө түшмөкмүн“.
20 Саналуу эле күндөрүм калбадыбы.+ Кудай мени жайыма койсун,Менден көзүн бурсун, бир аз эс алып алайын*.+
21 Себеби жакында коюу караңгылык каптаган жерге кетем,+Кайра кайтып келбейм.+
22 Көзгө сайса көрүнгүс караңгы жерге,Коюу караңгылык менен баш аламандыктын жерине,Ал тургай, жарык да караңгыдай болгон жайга кетем».
