Аюп 14:1—22
14 Аялдан төрөлгөн адамдын өмүрүАры кыска,+ ары азаптуу.+
2 Ал гүлдөй ачылат да, соолуп калат*,+Көлөкөдөй качат да, жок болот.+
3 Сен болсо ага көзүңдү кадап туруп алдың,Аны* өзүң менен соттошкону алып баратасың.+
4 Күнөөкөрдөн күнөөсүз төрөлөбү?+
Жок!*
5 Адам баласынын жашай турган күндөрү саналуу,Айларынын санын сен чечесиң.
Өмүрүнө чек коёсуң, ал ошол чектен аша албайт.+
6 Андан көзүңдү ал, эс алып алсын,Жалданма жумушчу бир күндүк ишин бүтүргөндөй, ал да өмүрүнүн аягына чыксын.+
7 Себеби дарактын да үмүтү бар эмеспи.
Эгер кыйып салса, кайра өсөт,Бутактары чыга берет.
8 Тамыры жер астында карып,Дүмүрү чирип калса да,
9 Бир аз суу барса эле, жаш бутагы чыгып,Жаңы отургузулган көчөттөй бутактайт.
10 Адам болсо өлөт да, күч-кубатынын баарынан ажырайт;Деми чыккандан кийин пенде жок болот.+
11 Деңиздин суусу тартылат,Дарыя бөксөрүп, соолуп калат.
12 Киши да жаткан соң, кайра турбайт.+
Асман жок болмоюнча, ойгонбойт,Уйкусунан турбайт.+
13 Мени көргө* катып,+Каарың кайткыча жашыра турсаң кана,Мага мөөнөт белгилеп, кийин эстесең кана!+
14 Өлгөн киши кайра жашайбы?+
Мен кулчулукта* жүргөн бардык күндөрүмдөБоштондукка чыгар маалымды күтөм.+
15 Сен чакырганда, мен жооп берем.+
Сен колуңан бүткөндөрдү сагынып, куса болосуң.
16 Бирок азыр ар бир кадамымды карап турасың,Күнөөмдү эле аңдып турасың.
17 Кылмыштарымды баштыкка салып, оозун бууп,Мөөр менен бекитип койдуң,Жаңылыштыктарымды желимдеп, сактап койдуң.
18 Тоо урап, кыйрагандай,Аска ордунан жылгандай,
19 Суу таштарды жеп,Шар агымы жердин топурагын жууп кеткендей,Сен да ажалдуу адамды үмүтүнөн ажыраттың.
20 Аны өлөр-өлгүчө эзип,+Кебетесин кетирип, көргө жибересиң.
21 Ошондон кийин ал балдары урматталса да, аны билбейт,Кадыр-баркын жоготушса да, аны сезбейт.+
22 Ал тирүү жүргөндө гана ооруну сезет,Жашап жүргөндө гана күйүт тартат».
Шилтемелер
^ Же балким: «чабылып ташталат».
^ Сөзмө-сөз: «Мени».
^ Же: «Арамдан ким адал болуп төрөлөт? Эч ким!»
^ Каймана мааниде өлүмдүн кулчулугу.
