Аюп 17:1—16
17 Алдан-күчтөн тайдым, көрөр күнүм бүтүп баратат,Мага мүрзө даярдалып жатат.+
2 Мени шылдыңчылдар курчап алды,+Алардын козголоңун карап турганга аргасызмын.
3 Оо, Кудай, мени колдойм деп кепилдик берчи.
Сенден башка ким кол алышып, мен үчүн кепил болот?+
4 Сен алардан акыл-эстүүлүктү жашырып койдуң,+Ошон үчүн алардын зоболосун көтөргөн жоксуң.
5 Ачкадан балдарынын көзү караңгылап жатса да,Андайлар досторуна дүнүйө-мүлкүн бөлүшүүнү сунуш кылат.
6 Кудай мени элге шылдың кылды,+Ошон үчүн бетиме түкүрүп жатышат.+
7 Азап чеккенимден көзүм тунарды,+Терим сөөгүмө жабышып калды.
8 Муну көрүп адилдер таң калышат,Ыймансыздарды* көрүп айыпсыздар ачууланышат.
9 Адил адам өз жолунан чыкпайт,+Айыбы жок кишинин күчүнө күч кошулат.+
10 Силер болсо токтобой мени айыптай бергиле,Бирок ушуга чейин бириңер да акылдуу сөз айткан жоксуңар.+
11 Менин күндөрүм бүттү,+Ой-максатым, жүрөгүмдөгү тилектерим, ойрон болду.+
12 Караңгылыкты көрүп турсам да, булар:
„Жарык кирип калды“ — деп, түндү күнгө айлантып жатышат*.
13 Дагы бир аз убакыт өтсө, көр* менин үйүм болот,+Төшөгүмдү караңгы жерге салам.+
14 Аңга*:+ „Сен атамсың!“ — дейм,Куртка: „Сен энемсиң, эжемсиң!“ — дейм.
15 Эгер ушундай болсо, анда үмүтүм кайда?+
„Мунун үмүтү бар“,— деп ким айта алат?
16 Үмүтүм көргө* түшөт,Аны менен кошо мен да топуракка кайтам».+
Шилтемелер
^ Же: «Кудайдын жолунан четтеп кеткендерди».
^ Б. а. Аюптун келечекке болгон үмүтүн өчүрүшкөн.
^ Же: «Көргө».
