Аюп 26:1—14
26 Буга Аюп мындай деди:
2 «Алсызга жардам бергениң,Каруусунда күчү жокту куткарганың ушубу?!+
3 Акылы жокко берген мыкты кеңешиң,+Акылмандыгың менен аянбай бөлүшкөнүң* ушубу?!
4 Деги мунун баарын кимге айтып жатасың?
Бул сөздөрдү оозуңа ким салды?
5 Күчү жок өлүктөр Кудайдын алдында калтырашат,Алар атүгүл суулардан, сууда жашагандардан да төмөн турушат.
6 Кудайдын алдында көр* жылаңач,+Сөөктөр чирий турган жайдын* жамынчысы жок.
7 Кудай асманды* боштуктун үстүнө жайган,+Жерди эч нерсеге илген эмес.
8 Булуттар суунун салмагынан улам жарылып калбашы үчүн,Сууларды булуттарга ороп коёт.+
9 Тактысын булуттар менен жаап,+Аны көздөн далда кылып коёт.
10 Ал асман менен суунун ортосуна чек ара сызып койгон;+Жарык менен караңгылыктын ортосуна чек койгон.
11 Асман түркүктөрү титирейт;Кудай үнүн көтөргөндө, алар коркконунан катып калышат.
12 Ал күчү менен деңизди толкутат,+Акылмандыгы менен деңиздеги алп жаныбарды* бөлүп-бөлүп таштайт.+
13 Деми* менен асманды тазартат,Оңой менен карматпаган* жыланды колу менен тешип өлтүрөт.
14 Булар Кудайдын иштеринин чети гана,+Ал жөнүндө уккандарыбыз акырын чыккан шыбыр гана!
Анда анын катуу күркүрөгөнүн ким түшүнө алат?»+
Шилтемелер
^ Же: «Акылмандыгыңды мол бергениң».
^ Же: «түндүк асманды».
^ Сөзмө-сөз: «Рахапты».
^ Же: «Шамалы».
^ Же: «Сыймалак».
