Аюп 33:1—33
33 Эми, Аюп, өтүнөм, сөзүмө кулак салыңыз,Айткандарымдын баарын угуңуз.
2 Мына, мага сүйлөгөнгө туура келип жатат,Кызыл тилим сүйлөсүн.
3 Ошондо сөзүмөн жүрөгүмдүн таза экени билинет,+Билгенимди чын дилден айтып берейин.
4 Мени Кудай өзүнүн күчү менен жараткан,+Кудурети Чексиз Кудайдын деми мага өмүр берген.+
5 Эгер жооп бере алсаңыз, жооп бериңиз,Айтчу жүйөлөрүңүздү айтыңыз; сүйлөгөнгө даярданыңыз.
6 Мына, мен чыныгы Кудайдын көз алдында сиздей эле пендемин,Мен да топурактан жаратылып, калыптангам.+
7 Ошон үчүн менден коркпой эле коюңуз,Сөзүмдөн улам өзүңүздү кысымга алынгандай сезбеңиз.
8 Бирок сиздин айткандарыңызды уктум,Сөздөрүңүздү тыңшап отурдум,
9 Сиз: „Мен тазамын, күнөөм жок,+Акмын, айыпсызмын.+
10 Бирок Кудай эбептен себеп таап, мага каршы чыкты,Мени душман көрүп жатат.+
11 Бутума кишен салып,Ар бир кадамымды текшерип турат“,— дедиңиз.+
12 Бирок мунуңуз туура эмес, ошон үчүн сизге мындай дээр элем:
Кудай ажалдуу адамдан алда канча улук.+
13 Ага эмнеге нааразы болуп жатасыз?+
Айткандарыңызга жооп бербегени үчүнбү?+
14 Кудай кайра-кайра айтат,Бирок эч ким көңүл бурбайт,
15 Эл терең уйкуга батканда,Төшөктө катуу уктап жатканда,Түш аркылуу, түндө аян+ аркылуу айтат.
16 Ошондо элдин кулагына сүйлөп,+Акылына насаатын сиңирет,
17 Ошентип адамды жаман иш кылуудан сактайт,+Текебердиктен коргойт.+
18 Анын жанын көрдөн,+Өмүрүн кылычтан* аман алып калат.
19 Төшөктө жатып оорудан кыйналганы,Сай-сөөгүнүн тынымсыз сыздаганы адамды акылына келтирет.
20 Ал төшөктө ошентип жатканда нанды,Атүгүл эң жакшы тамакты да көргүсү келбей калат.+
21 Эти шылынып,Буга чейин көрүнбөгөн сөөктөрү оркоюп чыгып калат.
22 Жаны көргө жакындап барат,Жанын алгысы келгендер аны күтүп турат.
23 Эгер ага түз жолду көрсөтүш үчүн бир кабарчы*,Миңдин ичинен чыккан,Аны жактап-коргой турган кабарчы келсе,
24 Анда Кудай ал кишиге ырайым кылып:
„Аны көрдөн куткарып кал!+
Ал үчүн төлөнө турган кун таптым!+
25 Анын денеси жаш кезиндегисинен да жаш* болсун,+Ал кайрадан жаштыктын күчүнө толсун“,— дейт.+
26 Ал Кудайга жалынат,+ Кудай болсо ага ырайым кылат,Ал Кудайдын жүзүн көрүп, кубана үн салат,Ошондо Кудай ажалдуу адамды кайрадан адил деп эсептейт.
27 Ал болсо башкаларга:
„Мен күнөөгө батып,+ туура эмес иш кылып келгем,Бирок кесепетин тарткан эмесмин*.
28 Кудай кун төлөп, жанымды көрдөн куткарды,+Эми өмүр сүрөм“,— дейт*.
29 Ушунун баарын Кудай кылат,Ал муну адам үчүн эки, атүгүл үч жолу кылат.
30 Ошентип, өмүр жарыгын көрүшү үчүн,Аны көрдөн кайтарып алат.+
31 Көңүл буруңуз, Аюп! Мага кулак салыңыз!
Унчукпай туруңуз, сөзүмдү улантайын.
32 Айтар сөзүңүз болсо, айтыңыз, жооп бериңиз.
Сүйлөңүз, анткени сиздики туура экенин далилдегим келет.
33 Ал эми айтар сөзүңүз жок болсо, анда мени угуңуз,Унчукпай туруңуз, сизди акылмандыкка үйрөтөйүн».
Шилтемелер
^ Же: «куралдан».
^ Же: «периште».
^ Же: «чың».
^ Же балким: «андан эч кандай пайда тапкан эмесмин».
^ Же: «деп жар салат».
