Аюп 36:1—33
36 Элиху сөзүн мындай деп улады:
2 «Дагы бир аз чыдай туруңуз, сизге түшүндүрүп берейин,Себеби Кудайды коргоп айтар дагы сөзүм бар.
3 Билгенимди майда-чүйдөсүнө чейин айтып берем,Жаратканымдын адилдигин жарыялайм.+
4 Менин сөздөрүм жалган эмес,Алар — билими+ жеткилеңдин* сөздөрү.
5 Ооба, Кудай кудуреттүү,+ ал эч кимди четке какпайт,Анын түшүнүгүнө чек жок.
6 Ал ыймансыздардын жанын сактап калбайт,+Азап чеккендер үчүн болсо адилеттикти орнотот.+
7 Адил адамдардан көзүн албайт,+Аларды падышалардын тагына отургузуп*,+ түбөлүккө зоболосун көтөрөт.
8 Эгер адил адамдар күнөө кылып, ошон үчүн кармалып, байланса,Кишенделип азап тартса,
9 Кудай алардын эмнени туура эмес кылышканын,Бой көтөрүп кеткендиктен күнөө кылышканын ачып берет.
10 Акыл-насаатты угушу үчүн, алардын кулагын ачат,Жаман иштен баш тарткыла деп айтат.+
11 Эгер алар баш ийип, ага кызмат кылышса,Анда өркүндөп-өсүп,Өмүрүн жыргалчылыкта өткөрүшөт.+
12 Ал эми баш ийбесе, кылычтан* өлүшөт,+Билими жок бойдон өтүп кетишет.
13 Ыймансыздар* көкүрөгүнө ыза сакташат.
Алар атүгүл Кудай жазалаганда да жардам сурашпайт.
14 Алар жашоосун ибадаткана сойкусу* болгон эркектердин арасында өткөрүп*,+Жаш кезинде эле өлүшөт.+
15 Бирок Кудай эзилгендерди башына түшкөн мүшкүлдөн арылтат,Кысым көрсөтүлгөндө алардын кулагын ачып, акыл-насаатын айтат.
16 Сизди азап-кайгынын чеңгелинен куткарып,+Эч кандай кысымчылык жок, коопсуз жерге алып чыгат,+Сооротуш үчүн дасторконуңузду чүйгүн тамакка толтурат.+
17 Ошондо ыймансызга чыгарылган өкүмгө канааттанасыз,+Өкүм жүзөгө ашырылып, адилеттик орногондо сүйүнөсүз.
18 Бирок сак болуңуз: каарданып отуруп аны табалап кирбеңиз,+Чоң парага азгырылып түз жолдон чыгып кетпеңиз.
19 Болбосо жардам сурап зарлаганыңызда,Далбас уруп аракет кылганыңызда,Кыйынчылыктан куткарылмак белеңиз?+
20 Адамдар күтүлбөгөн жерден жок боло турган маалды,Түнкү маалды самабаңыз.
21 Туура эмес иш кылгандан сак болуңуз,Андан көрө, азап чеккениңиз жакшы.+
22 Кудайдын кудурети күчтүү;Андай насаатчы барбы?
23 Ага эмне кылышты ким айтты эле*?+
Же: „Туура эмес кылдың“,— деп ким айтты эле?+
24 Анын иштерин,+Эл ырдап жүргөн иштерин даңазалаганды унутпаңыз.+
25 Аларды бүт адамзат көргөн,Ажалдуу адам аларды алыстан карап турат.
26 Ооба, Кудайдын улуулугу акыл жеткис,+Жашаган жылдары эсеп жеткис*.+
27 Ал суу тамчыларын бууга айлантып, жогору көтөрөт,+Анан буу жамгырга айланат.
28 Ошондо булуттардан суу төгүлүп,+Адамзатка жамгыр нөшөрлөйт.
29 Булут катмарлары кандайча жараларын,Кудайдын чатырынан угулган күн күркүрөө кантип пайда болорун ким түшүнө алат?+
30 Ал булут үстүнөн чагылганын кантип жаркылдатарын,+Деңиздин түбүн суу менен кантип жашырарын караңызчы.
31 Ушинтип ал элдерге кам көрөт*,Тамак-ашты мол берет.+
32 Ал чагылганды колуна кармайт,Аны түшүшү керек болгон жерге багыттайт.+
33 Анын күндү күркүрөткөнү ал жөнүндө жар салат,Атүгүл мал да кимдин* жакындап келатканын кабарлайт.
Шилтемелер
^ Кудай жөнүндө сөз жүрүп жатат.
^ Же балким: «Падышаларды такка отургузуп».
^ Же: «куралдан».
^ Же: «Кудайдын жолунан четтеп кеткендер».
^ Андай сойкулар жалган кудайларга сыйынганда сойкулук кылган эркектер же аялдар болушкан.
^ Же балким: «Алардын жашоосу ибадаткана сойкусу болгон эркектердин арасында аяктап».
^ Же балким: «Аны кылган иштери үчүн ким сындады эле; жоопко тартты эле».
^ Же: «Жашаган жылдарын эч ким биле албайт».
^ Же балким: «элдерди сотто коргойт».
^ Же балким: «эмненин».
