Аюп 42:1—17
42 Ошондо Аюп Жахабага мындай деп жооп берди:
2 «Сенин колуңан келбеген эч нерсе жок экенин,Ойлогон оюң орундалбай калышы мүмкүн эмес экенин эми түшүндүм.+
3 Сен: „Эч нерсе билбей туруп чечимдеримди талашка салып жаткан бул ким?“ — дедиң.+
Чын эле, мен эч нерсе түшүнбөй туруп эле сүйлөй бериптирмин,Өзүм билбеген кереметтүү нерселер жөнүндө түшүнбөй эле сүйлөй бериптирмин.+
4 Сен: „Кулак салчы, мен сүйлөйүн,Сага суроо берейин, жооп берчи“,— дедиң.+
5 Буга чейин сен жөнүндө кулагым чалган,Эми болсо минтип көзүм менен көрүп отурам.
6 Ошон үчүн сөзүмдү кайра артка алам,+Өкүнүп, топурак менен күлгө отурам».+
7 Жахаба Аюп менен сүйлөшүп бүткөндөн кийин темандык Элипазга кайрылды.
Жахаба ага: «Сени менен эки жолдошуңа+ каарым кайнап чыкты. Себеби силер мен жөнүндө+ кызматчым Аюпка окшоп чындыкты айткан жоксуңар.
8 Эми 7 бука, 7 кочкор алып, кызматчым Аюпка баргыла да, өзүңөр үчүн бүтүндөй өрттөлчү курмандык чалгыла. Анан кызматчым Аюп силер үчүн тиленет.+ Мен анын өтүнүчүн угуп, силерди акылсыздыгыңар үчүн, кызматчым Аюптай болуп мен жөнүндө туура нерселерди айтпаганыңар үчүн жазалабайм»,— деди.
9 Ошондо темандык Элипаз, шуахтык Билдат жана нааматтык Сопар барып, Жахаба айткандай кылышты. Жахаба болсо Аюптун тилегин кабыл кылды.
10 Аюп жолдоштору үчүн тиленгенден кийин,+ Жахаба Аюпту башына түшкөн жамандыктан+ арылтты. Анан Жахаба ага мурунку байлыгынын баарын кайра берди, атүгүл эки эсе кылып берди.+
11 Аюпка бардык тууган-туушкандары, эски достору+ келип, аны менен бирге үйүндө даам сызышты. Жахаба жол бергендиктен башынан көп кыйынчылык кечирген Аюпка көңүл айтып, аны жубатышты. Ар бири ага бирден күмүш акча, бирден алтын шакек берди.
12 Ошентип, Жахаба Аюпка өмүрүнүн акыркы жылдарында мурункудан да көп батасын берди.+ Анын малы көбөйүп, кою 14 000, төөсү 6 000, бодо малы 2 000*, ургаачы эшеги 1 000 болду.+
13 Ошондой эле Аюп 7 уулдуу, 3 кыздуу болду.+
14 Биринчи кызына Эмима, экинчисине Кетсия, үчүнчүсүнө Керенгапух деген ат койду.
15 Жер жүзүндөгү аялзатынын арасында Аюптун кыздарындай сулуу эч ким жок эле. Атасы аларга берки бир туугандарына бергендей эле мурас берди.
16 Ошондон кийин Аюп дагы 140 жыл жашап, балдарын, неберелерин, төртүнчү муунга чейинки урпактарын көрдү.
17 Ошентип, Аюп жашаарын жашап, узак өмүр сүрүп көз жумду.
Шилтемелер
^ Сөзмө-сөз: «1 000 жуп».
