Аюп 8:1—22
8 Ошондо шуахтык*+ Билдат+ мындай деди:
2 «Дагы качанга чейин ушинтип сүйлөй бересиң?+
Оозуңан чыккан сөздөрүң долу шамалдай.
3 Кудай акыйкаттыкты бурмалайбы?
Кудурети Чексиз Кудай адилдикти бурмалайбы?
4 Эгер балдарың ага каршы күнөө кылган болсо,Аларды ошонусу үчүн жазалады.
5 Бирок Кудайга кайрылсаң,+Кудурети Чексиз Кудайдан ырайым кылышын өтүнсөң,
6 Эгер чындап эле таза, чынчыл болсоң,+Анда ал сага назарын салып*,Тийиштүү ордуңа кайтарып, баарын калыбына келтирмек.
7 Башында карапайым болсоң да,Келечекте өркөнүң өсөт.+
8 Мурунку муундан сурап көрчү,Алардын ата-бабалары изилдеп билген нерселерге көңүлүңдү бурчу.+
9 Биз болсо кечээ эле төрөлгөнбүз, эчтеке билбейбиз,Өмүрүбүз да көлөкө сыяктуу тез эле өтүп кетет.
10 Мурунку муун сени үйрөтпөй коёбу?
Билгендерин айтып бербей коёбу?
11 Саз болбосо, папирус бийик болуп өсөбү?
Суу болбосо, камыш бийик болуп көтөрүлөбү?
12 Ал гүлдөй электе эле, үзүлө электе эле,Бардык өсүмдүктөрдөн мурда куурап калат.
13 Кудайды унуткандардын акыры ушундай болот,Ыймансыз* кишинин үмүтү таш кабат.
14 Андай адамдын ишенген нерсеси — болбогон эле нерсе,Таянычы тек гана жөргөмүштүн желесиндей*.
15 Ал ага жөлөнөт, бирок анысы туруштук бербейт,Жыгылбаш үчүн кармап калайын дейт, бирок анысы үзүлүп кетет.
16 Башында ал күн астындагы ширелүү,Бакчадагы бутагы жайылган өсүмдүктөй болот.+
17 Тамырлары үймөк ташка чырмалат,Алардын арасында жашайт*.
18 Бирок аны тамыры менен жулуп алышканда,Өскөн жери: „Сени такыр тааныбайм“ — деп, андан баш тартат.+
19 Ооба, ал мына ушинтип жок болот,+Кийин болсо анын ордуна башка өсүмдүктөр өсүп чыгат.
20 Кудай ага болгон берилгендигинен* жазбагандарды таштабайт,Жамандык кылгандарды колдобойт.
21 Ал кайрадан ууртуңду күлкүгө толтурат,Кайрадан шаттана үн саласың.
22 Сени жек көргөндөр болсо уятка калышат,Ыймансыздардын чатыры кыйрап калат».
Шилтемелер
^ Же: «Шуахтын тукумунан болгон».
^ Же: «сен үчүн иш-аракет кылмак».
^ Же: «Кудайдын жолунан четтеген».
^ Сөзмө-сөз: «үйүндөй».
^ Же: «Ал таш үйдү карайт».
^ Же: «кынтыксыздыгынан».
