Аян 15:1—8
15 Анан асмандан улуу, кереметтүү башка жышаанды — 7 периштенин+ 7 балээ алып келатканын — көрдүм. Ал балээлер — акыркы балээлер, анткени алар бүткөндө, Кудай да каарданганын токтотот.+
2 Мен айнек деңизге окшогон,+ от аралашкан нерсени көрдүм. Ошондой эле жырткыч менен анын сөлөкөтүн+ жеңип жаткандарды,+ жырткычтын ысмын билдирген санды+ өздөрүнө койдурбагандарды көрдүм. Алар айнек деңизге окшогон нерсенин жанында турушуптур, колдорунда Кудайдын арфалары бар экен.
3 Алар Кудайдын кулу Мусанын+ ырын жана Козунун ырын+ минтип ырдап жатышыптыр:
«Кудурети Чексиз Жахаба Кудай, сенин иштериң+ улуу, кереметтүү.+ Түбөлүктүктүн Падышасы,+ сен кылган нерселердин баары* адил, туура.+
4 Жахаба, сенден ким коркпойт?! Ысмыңды ким даңктабайт?! Анткени бир гана сен берилгендигинен жазбаган Кудайсың!+ Бардык элдер алдыңа келип, сага сыйынышат,+ себеби алар буйруктарыңдын адил экенин айкын көрүштү».
5 Ошондон кийин асмандагы ыйык чатырдын* ыйык жайы*+ ачылганын көрдүм.+
6 Ыйык жайдан таза, жаркыраган зыгыр кийим кийип, көкүрөгүнө чейин алтын кур менен курчанган жана 7 балээ+ алып келаткан 7 периште чыкты.
7 Төрт периштенин бири ошол 7 периштеге түбөлүктөн түбөлүккө жашаган Кудайдын каары+ толтурулган 7 алтын чөйчөк берди.
8 Ыйык жай Кудайдын даңкы+ менен күчүнөн улам түтүнгө толду. 7 периште алып келаткан 7 балээ+ бүткөнчө, ыйык жайга эч ким кире алган жок.
