Еврейлерге 8:1—13
8 Биз айтып жаткандардын маңызы мындай: биздин так ушундай башкы дин кызматчыбыз бар,+ ал асманда Улуу Кудайдын тактысынын оң жагына отурган.+
2 Ал ыйык жайда*,+ кайсы бир пенде эмес, Жахаба тургузган чыныгы ыйык чатырда адамдардын пайдасы үчүн кызмат кылат.
3 Башкы дин кызматчылардын ар бири Кудайга тартуу бергенге, курмандык чалганга дайындалат. Ошондуктан Исанын да курмандыкка чалганга бир нерсеси болушу керек эле.+
4 Эгер жерде жүрсө, ал дин кызматчы болмок эмес,+ себеби Кудайга Мыйзам боюнча тартуу бере турган башка дин кызматчылар бар.
5 Бирок алар аткарып жаткан ыйык кызмат асмандагы нерселердин+ көчүрмөсү менен көлөкөсү гана.+ Бул Муса ыйык чатыр жасаардын алдында, Кудайдын ага: «Баарын сага тоодо көрсөтүлгөн үлгү боюнча жаса»,+— деп буйрук бергенинен көрүнүп турат.
6 Исага болсо азыр алда канча жакшы кызмат тапшырылган, анткени ал мурунку келишимден жакшыраак келишимдин+ арачысы дагы;+ ал келишим мурунку убадалардан алда канча жакшы убадаларга негизделип, мыйзамдуу түрдө бекитилген.+
7 Эгер биринчи келишимде кемчилик болбосо, экинчисинин кереги жок болмок.+
8 Бирок Кудай элдин кемчилигин көргөн. Ошондуктан мындай деген: «„Мына, мен Ысрайылдын эли жана Жүйүттүн эли менен жаңы келишим түзө турган күндөр келатат“,— дейт Жахаба.
9 Ошондой эле Жахаба: „Бул келишим алардын ата-бабалары менен түзгөн келишимимдей эмес. Ал келишимди ата-бабаларын колунан алып, Мисир жеринен алып чыкканда+ түзгөм. Алар аны сактабай коюшкандыктан, мен да аларга кам көрбөй калдым“,— дейт.
10 „Ошол күндөрдөн кийин мен ысрайыл эли менен мындай келишим түзөм,— дейт Жахаба.— Мыйзамдарымды алардын акылына салып, жүрөгүнө жазам.+ Мен алардын Кудайы болом, алар менин элим болот.+
11 Ошондон кийин эч ким башканы же бир тууганын: “Жахабаны таанып-бил!” — деп үйрөтпөй калат. Себеби кичигинен улугуна чейин баары мени таанып-билишет.
12 Мен алардын ыймансыздыкка жаткан иштерин кечирем, күнөөлөрүн экинчи эстебейм“».+
13 Ал «жаңы келишим» деп айтып, мурунку келишимдин эскиргенин көрсөткөн.+ Эскирип, мөөнөтү бүткөн нерсе болсо көп өтпөй эле жок болот.+
Шилтемелер
^ Сыягы, бул асмандагы ыйык жайды билдирет.
