Жакандын 1-каты 1:1—10
1 Биз силерге эң башынан эле бар болгон, өмүр бере турган сөздөрдү айткан+ жана өз кулагыбыз менен угуп, өз көзүбүз менен көрүп, жакшылап байкап жүргөн, колубуз менен кармап көргөн бирөө жөнүндө жазып жатабыз.
2 (Биз Атабыз берген жана бизге айкын көрүнгөн түбөлүк өмүр+ жөнүндө билип, билгендерибизди түшүнүп, силерге күбөлөндүрүп,+ жарыялап жатабыз.)
3 Биз асмандагы Атабыз жана анын Уулу Иса Машаяк* менен биримдикте* болгондой эле,+ силер да биз менен биримдикте болушуңар үчүн, силерге кимди уксак, кимди көрсөк, ошол тууралуу айтып жатабыз.+
4 Муну силерге баарыбыздын жүрөгүбүз кубанычка толушу үчүн жазып жатабыз.
5 Исадан угуп, силерге жарыялагыбыз келген кабар бул: Кудай — жарык,+ анда эч кандай караңгылык жок.
6 Эгер: «Аны менен биримдиктебиз»,— дегенибиз менен, караңгылыкта жүрсөк*, анда калп айтып жатабыз, Кудай жөнүндөгү чындыкка жараша жашаган жокпуз.+
7 Ал эми, Кудай жарыкта жашагандай, биз да жарыкта жүрсөк*, анда өз ара биримдиктебиз жана анын Уулу Исанын каны бизди бардык күнөөбүздөн тазартат.+
8 Эгер: «Күнөөбүз жок»,— десек, анда өзүбүздү өзүбүз алдап жатабыз,+ туура окууларга ишенбеген да болобуз.
9 Ал эми күнөөлөрүбүздү мойнубузга алсак, Кудай ишенимдүү, адил болгондуктан, күнөөлөрүбүздү кечирип, бизди жаман нерсенин баарынан тазартат.+
10 Эгерде: «Эч качан күнөө кылган эмеспиз»,— десек, анда Кудайды жалганчы кылып жатабыз жана анын сөзүнө ишенбеген болобуз.
Шилтемелер
^ Же: «шериктеш».
^ Б. а. жаман иштерди кылып жүрсөк.
^ Б. а. Кудайдын жетеги менен жүрсөк.
