Жакан 15:1—27
15 Мен чыныгы жүзүм сабагымын, Атам болсо багбан.
2 Ал мендеги жемиш бербеген ар бир бутакты кыйып салат, жемиш бергенин болсо, дагы көбүрөөк жемиш бериши үчүн,+ тазалап-бутайт.
3 Силер мен айткан сөз аркылуу тазаландыңар.+
4 Мени менен мындан ары да биримдикте болгула, ошондо мен да силер менен биримдикте болом. Бутак өз алдынча жемиш бере албагандай эле, силер да мени менен биримдикте болбосоңор, жемиш бере албайсыңар.+
5 Мен жүзүм сабагымын, силер болсо бутактарсыңар. Ким мени менен биримдикте болсо жана мен да аны менен биримдикте болсом, ал көп жемиш берет.+ Ал эми менсиз эч нерсе кыла албайсыңар.
6 Ким мени менен биримдикте болбосо, ал кыйылып ташталган, куурап калган бутакка окшош. Андай бутактар чогултулуп, отко ыргытылат.
7 Эгер мени менен биримдикте болсоңор, айткандарымды аткарсаңар, каалаганыңарды сурагыла — орундалат.+
8 Силер көп жемиш берип, шакирттерим экениңерди далилдей берсеңер, Атам даңкталат.+
9 Атам мени сүйгөндөй эле,+ мен да силерди сүйөм. Мындан ары да мен сүйө тургандай адам болгула.
10 Мен Атамдын осуяттарын аткаргандыктан, ал мени ар дайым сүйөт. Ошол сыяктуу эле, силер да менин осуяттарымды аткарсаңар, мен да силерди ар дайым сүйөм.
11 Муну меникиндей кубанычты толук сезишиңер үчүн айтып жатам.+
12 Менин осуятым бул: бири-бириңерди мен силерди сүйгөндөй сүйгүлө.+
13 Ким достору үчүн өз жанын берсе, аныкынан өткөн сүйүү жок.+
14 Эгер силерге буйругандарымды аткарсаңар, менин досторумсуңар.+
15 Эми силерди кул деп атабайм, анткени кул кожоюнунун эмне кылып жатканын билбейт. Мен силерди досторум деп атайм, себеби Атамдан уккандарымдын баарын силерге айтып бердим.
16 Силер мени эмес, мен силерди тандадым. Дайыма көп жемиш беришиңер үчүн, түбөлүккө сактала турган жемиш беришиңер үчүн, тандадым. Ошондуктан Атамдан мен аркылуу* эмне сурабагыла, силерге берет.+
17 Буларды силерге бири-бириңерди сүйүшүңөр үчүн буйрук кылып жатам.+
18 Эгерде дүйнө силерди жек көрсө, силерден мурун мени жек көргөнүн билгиле.+
19 Эгер бул дүйнөгө таандык болсоңор, дүйнө өзүнүкүн сүймөк. Бирок силер бул дүйнөгө таандык болбогондуктан+ жана мен силерди дүйнөдөгү адамдардын арасынан тандап алгандыктан, дүйнө силерди жек көрөт.+
20 Силерге айткан сөзүм эсиңерде болсун: кул кожоюнунан өйдө эмес. Эгер мени куугунтукташса, силерди да куугунтукташат.+ Эгер менин айткандарымды аткарышса, силердикин да аткарышат.
21 Менин шакирттерим болгонуңар үчүн силерге каршы болуп, ушунун баарын кылышат, анткени мени жибергенди билишпейт.+
22 Эгер мен келбесем, аларга эч нерсе айтпасам, күнөөкөр болушмак эмес.+ Азыр болсо аларда күнөөсүн актаганга эч кандай негиз жок.+
23 Ким мени жек көрсө, ал Атамды да жек көрөт.+
24 Эгерде менден башка эч ким жасабаган кереметтерди алардын көз алдында жасабасам, күнөөкөр болушмак эмес.+ Бирок алар мени* көрүшсө да, мени да, Атамды да жек көрүштү.
25 Бул алардын Мыйзамындагы*: „Мени себепсиз эле жек көрүштү“,— деген сөздөр аткарылышы үчүн болду.+
26 Мен силерге Атам бере турган жардамчыны жиберем. Атамдан келе турган ал жардамчы, чындыкты ачып бере турган ыйык рух+ мен жөнүндө күбөлөндүрөт.+
27 Силер да мен жөнүндө күбөлөндүрөсүңөр,+ анткени башынан эле мени менен чогуу болдуңар.
