Жашыя 12:1—24
12 Ысрайылдыктар Иордандын чыгыш тарабындагы жерлерди: Арнон өрөөнүнөн+ Хермон тоосуна+ чейинки жерлерди жана Араба жеринин чыгыш бөлүгүн башкарган эки падышаны жеңип, жерлерин басып алышкан.+
2 Алардын бири — Хешпондо жашаган аморлуктардын падышасы Сихон.+ Ал Арнон өрөөнүнүн четиндеги Ароер+ шаарын башкарган. Арнон өрөөнүнүн+ ортосунан Жабок өрөөнүнө чейинки аймактын баары, тактап айтканда, Гилат жеринин жарымы ага караштуу болгон. Жабок өрөөнү Амондун урпактарынын чек арасы болчу.
3 Ошондой эле ал Арабанын чыгыш бөлүгүн — Кинерет деңизинен*+ Арабадагы деңизге, башкача айтканда, Туздуу деңизге* чейинки бөлүгүн — башкарган. Анын падышалыгынын чек арасы чыгыш жактагы Бет-Жешимоттон түштүктөгү Пазги+ тоосунун этегине чейин созулган.
4 Ысрайылдыктар Аштаротто жана Эдрейде жашаган Башан падышасы Октун+ да жерлерин тартып алышкан. Ал репаимдердин акыркысы болчу.+
5 Анын аймагына Хермон тоосу, Салха жана бүт Башан+ кирген. Ал ошондой эле гешурлуктар менен маахаттыктардын+ чек арасына чейинки жерлерди жана Гилаттын жарымын, Хешпон+ падышасы Сихондун аймагына чейинки бөлүгүн, башкарган.
6 Жахабанын кызматчысы Муса менен ысрайыл эли ал эки падышаны өлтүргөндөн кийин,+ Жахабанын кызматчысы Муса алардын жерин Рубейин уруусуна, Гат уруусуна жана Менаше уруусунун жарымына берген.+
7 Жашыя менен ысрайылдыктар Иордандын батыш тарабындагы падышалардын жерлерин, башкача айтканда, Лебанон+ өрөөнүндөгү Баал-Гаттан+ Халак тоосуна+, Сеирге+ чейин созулган тоого, чейинки жерлерди басып алгандан кийин, Жашыя алардын жерлерин ысрайыл урууларына бөлүштүрүп берди.+
8 Аларга тоолуу аймакта, эңкейиш жерлерде, Шепелада, Арабада, чөлдө жана Негепте+ жашагандардын: Хеттин тукумдарынын, аморлуктардын,+ канаандыктардын, периздердин, хибилердин жана жебустуктардын жерлерин бөлүштүрүп берди.+ Алар бул шаарлардын падышаларын багындырып алышты:
9 Жерихонун падышасын,+ Бейтелдин жанындагы Айдын падышасын,+
10 Иерусалимдин падышасын, Хеброндун падышасын,+
11 Жармуттун падышасын, Лакиштин падышасын,
12 Эглондун падышасын, Гезердин падышасын,+
13 Дебирдин падышасын,+ Гедердин падышасын,
14 Хорманын падышасын, Араттын падышасын,
15 Либнанын падышасын,+ Адуламдын падышасын,
16 Македанын падышасын,+ Бейтелдин падышасын,+
17 Тапуахтын падышасын, Хепердин падышасын,
18 Апектин падышасын, Лашарондун падышасын,
19 Мадондун падышасын, Хазордун падышасын,+
20 Шимрон-Мерондун падышасын, Акшаптын падышасын,
21 Таанахтын падышасын, Мегидонун падышасын,
22 Кедештин падышасын, Кармелдеги Жокнеямдын падышасын,+
23 Дордун адырларында жайгашкан Дордун падышасын,+ Гилгалдагы Гоимдин падышасын,
24 Тирсанын падышасын. Баары биригип 31 падыша.
Шилтемелер
^ Б. а. Жансыз деңизге.
^ Чындыгында, көл болгон. Ыйык Китепте ал Генисарет көлү, Галилея деңизи жана Тиберия деңизи деп да аталат.
