Жеремия 15:1—21
15 Анан Жахаба мага мындай деди: «Менин алдыма Муса менен Шемуел келсе да,+ бул элге ырайым кылмак эмесмин. Аларды алдымдан кууп жибер, кетишсин.
2 Эгер: „Эми эмне болобуз?“ — дешсе, аларга айт: „Жахаба мындай дейт:
“Айыккыс дарттан өлө турган айыккыс дарттан өлөт!
Кылычтан өлө турган кылычтан өлөт!+
Ачарчылыктан өлө турган ачарчылыктан өлөт!
Туткунга кете турган туткунга кетет!”“+
3 „Мен аларга төрт балээ жиберем*,+— дейт Жахаба.— Өлтүрүш үчүн кылыч, сүйрөп кетиши үчүн иттерди, жеп-жутушу үчүн асмандагы куштар менен жер бетиндеги айбанаттарды жиберем.+
4 Мен элимди жер жүзүндөгү бардык падышалыктар көргөндө үрөйү уча тургандай абалда калтырам.+ Муну Жүйүт падышасы Хиския уулу Менашенин Иерусалимде кылган иштери үчүн кылам.+
5 Оо, Иерусалим, сени ким аяйт?
Сага ким боор ооруйт?
Жолдон өтүп баратып ал-жайыңды сураш үчүн ким токтойт?“
6 „Сен мени таштап кеттиң,— дейт Жахаба.+—
Мага далыңды салдың*.+
Ошон үчүн колумду көтөрүп, сени жок кылам.+
Сени аягандан чарчадым.
7 Мен элимди бул жердин шаарларында* айры менен сапырам,Балдарынан ажыратам.+
Өз жолунан бурулгусу келбей койгондуктан,+Элимди кырам.
8 Жесирлери көз алдымда деңиз кумунан да көп болот.
Аларга, энелери менен уулдарына, чак түштө кыргын салуучуну жиберем.
Аларды күтүлбөгөн жерден дүрбөлөңгө түшүрүп, үрөйлөрүн учурам.
9 Жетини төрөгөн аял* алдан тайып,Дем ала албай кыйналып жатат.
Анын күнү күндүз эле батып калды,Ал уят болду, басынтылды“*.
„Алардын аман калган аз эле кишисин душмандарынын кылычына салып берем“,— дейт Жахаба».+
10 Оо, энеке, мен бир шордуу экенмин,+Мени бул жердин бүт эли менен талашып-тартышып, чатакташканга төрөптүрсүң.
Мен эч кимге карыз берген эмесмин, алган да эмесмин;Ошентсе да мени баары каргап жатат.
11 Жахаба мындай деди: «Мен сага жардам берип, жакшылык кылам;Башыңа мүшкүл түшкөн убакта,Кыйын кезеңде сага болушуп, душмандан коргойм.
12 Кимдир бирөө темирди,Түндүктүн темирин, жезди майдалап сындыра алабы?
13 Сенин* байлыгың менен дүнүйө-мүлкүңдү душмандарыңа талатып-тонотом,+Бардык жерлериңде кылган күнөөлөрүң үчүн аларды бекер таратам.
14 Сен билбеген жерге ташып кетиши үчүн,Аларды душмандарыңа берем.+
Себеби каарым оттой жалындап,Сени көздөй жалбырттап жатат».+
15 Оо, Жахаба, кыйналып жатканымды жакшы билесиң,Мени эстеп, назарыңды сала көр.
Мени куугунтуктагандардан өчүмдү ала көр.+
Аларга каарыңды төкпөй жүрө берип, жок болуп кетпейин.
Ушундай кордукка сен үчүн чыдап жатканымды эске ала көр.+
16 Мен сөздөрүңдү укканда жүрөгүмө түйүп алдым*;+Сөзүң мени шаттандырып, жүрөгүмдү кубанычка бөлөдү,Себеби, оо, асман аскерлеринин Кудайы Жахаба, мен сенин ысмың менен аталам.
17 Шаан-шөкөттү жакшы көргөндөр менен отурбайм, алар менен көңүл ачпайм.+
Сенин бийлигиңдин алдында* болгондуктан жалгыз отурам,Анткени сен мени каарга* толтурдуң.+
18 Эмнеге оорум басылбай, жараатым айыкпай жатат?
Жараатым такыр бүтпөй жатат.
Сен мен үчүн соолуп калган* булактай,Ишенгенге болбой турган суудай болосуңбу?
19 Ошон үчүн Жахаба:
«Эгер оюңду оңдосоң, сени* кайрадан ырайымыма бөлөйм,Мага мындан ары да кызмат кыла бересиң*.
Эгерде баалууну пайдасыздан ажыратсаң,Менин атымдан сүйлөйсүң.
Эл айткандарыңа көңүл бурганга аргасыз болот,Сен болсо алардын сөздөрүнө көңүл бурбайсың»,— дейт.
20 «Мен сени бул элдин арасында бекем жез дубал кылам.+
Алар сени менен күрөшөт,Бирок жеңе алышпайт.+
Себеби сени сакташ үчүн, куткарыш үчүн мен сени менен болом,— дейт Жахаба.—
21 Сени ыймансыздардын колунан куткарам,Зулумдардын чеңгелинен бошотуп алам*».
Шилтемелер
^ Же балким: «төрт түрдүү өкүм чыгарам».
^ Же балким: «Артты көздөй кеттиң».
^ Сөзмө-сөз: «дарбазаларында».
^ Сыягы, Иерусалимди билдирет.
^ Же балким: «Ал күн уят болду, маскара болду».
^ Сыягы, Жүйттүн элин билдирет.
^ Сөзмө-сөз: «сөздөрүңдү таап, аларды жедим».
^ Же: «өкүмүң жөнүндөгү кабарга».
^ Сөзмө-сөз: «Колуң үстүмдө».
^ Же: «алдамчы».
^ Б. а. Жеремия пайгамбарды.
^ Сөзмө-сөз: «Менин алдымда турасың».
^ Же: «кун төлөп бошотуп алам».
