Жеремия 17:1—27
17 «Жүйүт элинин күнөөсү темир калем менен жазылган,Жүрөктөрүнө, курмандык жайларынын мүйүздөрүнө алмаздын мизи менен оюлуп жазылган.
2 Алардын курмандык жайлары менен ыйык мамыларын*+ атүгүл балдары да эстеп калышкан.
Андай нерселери бийик дөбөлөрдө, шактуу дарактардын жанында,+
3 Талаадагы адырларда жайгашкан.
Оо, жүйүт эли, сенин байлыгыңды, бүт кенчиңди душмандарыңа талатып-тонотом,+Бүт жерлериңде кылган күнөөлөрүң үчүн сыйынуу жайларыңды* талатып-тонотом.+
4 Өзүңдүн айыңан мен берген мурастан кол жууйсуң.+
Сени өзүң билбеген жерде душмандарыңа кызмат кылдырам,+Себеби силер каарымды оттой жалындаттыңар*.+
Ал от эч качан өчпөйт».
5 Жахаба мындай дейт:
«Пендеге таянган+ адамга* каргыш тийсин,Адам баласынын күчүнө ишенген,+Жахабаны таштап койгон кишиге каргыш тийсин.
6 Ал чөлдүү түздүктөгү жалгыз дарактай болуп калат.
Эч жакшылык көрбөйт,Кагыраган жерлерде,Эч ким жашабаган шор жерде жашайт.
7 Жахабага таянган,Жахабага ишеним арткан киши* баталуу.+
8 Ал суу боюна отургузулган,Агын сууну көздөй тамыр жайган дарактай болот.
Аптап болсо да, аны сезбейт,Жалбырагы дайыма жапжашыл болуп турат.+
Кургакчылык болгон жылда тынчсызданбайт,Жемиш бербей калбайт.
9 Жүрөк эң эле митаам*, өтө бузулган*.+
Аны ким биле алат?
10 Мен, Жахаба, ар бир адамга жүргөн жолуна,Ар бирине кылган иштерине* жараша тиешесин бериш үчүн+Жүрөгүн изилдейм,+Тереңде жаткан ойлорун* текшерем.
11 Арам жол менен байыган адам+Өзү туубаган жумурткаларды чогулткан чилдей.
Ал өмүрүнүн жарымында байлыгынан айрылат,Акырында акылсыздыгы айкын болот».
12 Биздин ыйык жайыбыз —
Тээ башынан эле жогору турган Кудайдын даңктуу тактысы.+
13 Оо, Жахаба, Ысрайылдын үмүтү,Сени таштагандардын баары уят болушат.
Сенин жолуңан* четтегендердин аты топуракка жазылгандай эле болот,+Себеби алар өмүр суусунун булагын — Жахабаны — таштап кетишти.+
14 Оо, Жахаба, мени айыктыр, ошондо айыгам.
Мени куткар, ошондо куткарылам,+Анткени мен сени даңктап келем.
15 Кээ бирлер мага:
«Кана Жахабанын сөзүнүн аткарылганы?+
Аткарылбайбы?!» — дешет.
16 Мен болсо койчу болгондон, сенин жолуң менен жүргөндөн баш тарткан эмесмин,Каргашалуу күндүн келишин да самаган эмесмин.
Сен айткан ар бир сөзүмдү билесиң;Алардын баары сенин алдыңда айтылган.
17 Мени коркунучка кабылта көрбө.
Башыма мүшкүл түшкөн күнү сен баш маанамсың.
18 Мени куугунтуктагандар уятка калышсын,+Мени болсо уятка калтыра көрбө.
Ошолордун үрөйү учсун,Менин болсо үрөйүмдү учура көрбө.
Ошолордун башына мүшкүл түшүр,+Аларды талкала, толугу менен* жок кыл.
19 Жахаба мага мындай деди: «Барып, элдин дарбазасынын, Жүйүт падышалары кирип-чыккан дарбазанын*, алдына, анан Иерусалимдин башка бардык дарбазаларынын алдына тур да, +
20 мындай де: „Жүйүттүн падышалары, Жүйүт жеринин бүт эли, Иерусалимдин бардык тургундары, ушул дарбазалардан киргендердин баары, Жахабанын сөзүн уккула.
21 Жахаба мындай дейт: “Байкагыла, дем алыш күнү* эч кандай жүк көтөрбөгүлө, Иерусалимдин дарбазалары аркылуу алып өтпөгүлө.+
22 Дем алыш күнү үйүңөрдөн жүк көтөрүп чыкпагыла, эч кандай жумуш кылбагыла.+ Дем алыш күндү ыйык туткула, муну ата-бабаларыңарга да буйрук кылгам.+
23 Бирок алар сөзүмдү укпай, кулак төшөбөй коюшкан, тоң моюндук кылып акыл-насаатты укпай, кабыл албай коюшкан”“.+
24 „Бирок силер мен кандай айтсам, так ошондой кылсаңар,— дейт Жахаба,— дем алыш күнү бул шаардын дарбазалары аркылуу жүк алып өтпөсөңөр, эч кандай жумуш кылбай, ал күндү ыйык тутсаңар,+
25 Дөөтүнүн тактысында отурган+ падышалар менен төрөлөр* да араба менен, ат менен бул шаардын дарбазалары аркылуу кирет, алар жана алардын төрөлөрү Жүйүт жеринин эли, Иерусалимдин тургундары менен кошо кирет;+ бул шаарда эл ар дайым жашайт.
26 Жүйүттүн шаарларынан, Иерусалимдин айланасынан, Бенжемин уруусунун жеринен,+ түздүктөн,+ тоолуу аймактан, Негептен* эл келет. Алар Жахабанын үйүнө бүтүндөй өрттөлчү курмандык+ менен башка курмандыктарды,+ дан азыктарынан алынып келген тартуу,+ ладан, ыраазычылык курмандыгын алып келишет.+
27 Ал эми тилимди албасаңар, дем алыш күндү ыйык тутпасаңар, ал күнү жүк көтөрсөңөр, Иерусалимдин дарбазалары аркылуу жүк алып өтсөңөр, мен анын дарбазаларына от коём. Иерусалимдин чептүү мунараларын от жалмайт,+ аны эч ким өчүрө албайт“».+
Шилтемелер
^ Же балким: «Себеби силер каарымдан улам оттой болуп күйдүңөр».
^ Же: «күчтүү адамга».
^ Же: «күчтүү киши».
^ Же: «алдамчы».
^ Же балким: «оңолгус; айыккыс».
^ Сөзмө-сөз: «иштеринин жемишине».
^ Же: «тереңде жаткан сезимдерин». Сөзмө-сөз: «бөйрөктөрүн».
^ Сөзмө-сөз: «Менден». Сыягы, Жахаба жөнүндө сөз жүрүп жатат.
^ Же: «эки жолу».
^ Сөзмө-сөз: «элдин уулдарынын дарбазасынын».
^ Бул падыша тукумунан чыккан же жогорку даражалуу кишилерди да билдириши мүмкүн.
^ Же: «түштүктөн».
