Жеремия 2:1—37
2 Жахаба мага мындай деди:
2 «Бар да, Иерусалимге мындай деп жарыяла: „Жахаба мындай дейт:
“Жаш кезиңдеги мага болгон берилгендигиң*,+Баш кошконго убада бергенде мени канчалык сүйгөнүң,+Мени ээн талаада,Үрөн себилбеген жерде ээрчип жүргөнүң эсимде.+
3 Ысрайыл Жахаба үчүн ыйык,+ биринчи жемиш болчу”“.
„Аны жутуп жибергиси келгендердин баары айыпка жыгылат.
Алардын башына балээ түшөт“,— дейт Жахаба».+
4 Оо, Жакыптын урпактары,Ысрайыл элинин бардык уруулары, Жахабанын сөзүн уккула.
5 Жахаба мындай дейт:
«Менден ушунчалык алыстагыдай,Пайда-батасы жок буркандарга сыйынып,+ өздөрү да ошондой болуп калгыдай,+Ата-бабаларыңар менден кандай айып табышкан?+
6 Алар: „Бизди Мисир* жеринен алып чыгып,+Ээн талаада жетектеп жүргөн,Чөлдүү түздүктө,+ ойдуңдуу жерлерде,Коюу караңгылык каптаган кагыраган жерде,+Эч кимдин буту баспаган,Эч ким жашабаган жерде жетектеп жүргөн Жахабадан жардам сурайлы“,— дешкен эмес.
7 Мен силерди мөмөсүнөн жеп, берекесине тойсун деп,Жемиш багы көп жерге алып келгем.+
Бирок силер келип, менин жеримди арамдадыңар;Менчигимди жийиркеничтүү кылып салдыңар.+
8 Дин кызматчылар: „Келгиле, Жахабадан жардам сурайлы“,— дешкен эмес,+Мыйзамды үйрөтүшү керек болгондор мени билишкен эмес,Элимди кайтарган койчулар мага каршы чыгышкан,+Пайгамбарлар болсо Баалдын атынан пайгамбарлык кылып,+Пайда-батасы жок кудайларга сыйынып кетишкен.
9 „Ошон үчүн мен силер менен кайра соттошом,+— дейт Жахаба,—
Урпактарыңар менен да соттошом“.
10 „Киттим+ аралдарына* барып, карагыла.
Кедарга+ киши жиберип, жакшылап ойлонгула;Ушундай болду беле, көргүлө.
11 Кудайларын кудай эмес нерселерге алмаштырган башка эл барбы?
Менин элим болсо мени, даңктуу Кудайды, пайдасы жок нерселерге алмаштырды.+
12 Оо, асман, таң калып кара,Үрөйүң учуп, титире,— дейт Жахаба,—
13 Себеби менин элим эки жаман иш кылды:
Мени, өмүр суусунун башатын, таштап кетти,+Өздөрүнө суу токтобогон чуңкурларды,Эч нерсеге жарабаган чуңкурларды казып алды“.
14 „Ысрайыл кызматчыбы же мырзасынын үйүндө төрөлгөн кулбу?
Анда эмне үчүн ал таланып-тонолду?
15 Ага жаш арстандар* арылдады,+Үнүнүн болушунча күркүрөштү,Анын жерин үрөй учурарлык абалда калтырышты.
Шаарлары өрттөлүп, тургундары калган жок.
16 Ноп*+ менен Тахпанестин+ эли төбөңдү кемирип кетишти.
17 Мени, жол көрсөтүп жүргөн Жахаба Кудайыңды, таштап кетип,+Ушундай балээни өз башыңа өзүң үйүп алган жоксуңбу?
18 Эми эмнеге Мисирге барганы жатасың?+
Шихордун* суусунан ичиш үчүнбү?
Эмнеге Ашурга* барганы жатасың?+
Эфрат* дарыясынын суусунан ичиш үчүнбү?
19 Кыянат иштериң сага сабак болсун,Ишенимсиздигиң сени ашкерелесин.
Кудайың Жахабаны таштап кеткениң канчалык жаман,Канчалык кесепеттүү экенин билип кой, муну түшүнүп ал;+Сен менден эч коркпойсуң“,+— дейт Эгедер Теңир, асман аскерлеринин Кудайы Жахаба.
20 „Мен көп жыл мурун мойнуңдагы моюнтурукту талкалагам,+Чынжырларыңды үзгөм.
Бирок сен: “Мен сага кызмат кылбайм”,— дегенсиң,Ар бир бийик дөбөдө, шактуу дарактын астында жатып,+Керилип жатып, сойкулук кылгансың.+
21 Мен болсо сени таза уруктан өнүп чыккан тандамал кызыл жүзүмдөй кылып отургузгам;+Анан кантип менин алдымда жапайы жүзүмдүн начар бутактарына айланып калдың?“+
22 „Шакар* менен жуунсаң да, аябай самындансаң* да,Күнөөң кетпеген тактай болгону үчүн, көз алдымда таза боло албайсың“,+— дейт Эгедер Теңир Жахаба.
23 Сен: „Мен арамдалган эмесмин.
Баалга сыйынган эмесмин“,— деп кантип айта аласың?
Өрөөндө кылган иштериңе көңүл бур.
Кылган иштериң жөнүндө ойлон.
Сен максатсыз эле башы оогон жакка чуркай берген күлүк каймалдайсың*.
24 Сен чөлгө көнгөн жапайы эшектейсиң,Ал эркек эшекти эңсеп абаны жыттагылайт.
Күүлөгөн маалы келгенде, аны ким токтото алат?
Жупташыш үчүн аны издегендер убара болуп чарчашпайт,Күүлөгөн маалында оңой эле таап алат.
25 Ысрайыл, пайдасыз нерселердин артынан жүрүпЖылаңайлак калып калбаш үчүн,Тамагың кургап калбаш үчүн сак бол.
Бирок сен: „Үмүттөнбөй эле кой!+
Мен чоочундарды* сүйүп калдым,+Ошолордун артынан ээрчийм“,— дедиң.+
26 Ууру кармалганда кандай уят болсо,Ысрайыл эли да ошондой уят болду,Аны менен кошо падышалары, төрөлөрү,Дин кызматчылары, пайгамбарлары да уят болду.+
27 Алар даракка: „Сен менин атамсың“,— дешет,+Ташка: „Мени сен төрөгөнсүң“,— дешет.
Менден болсо жүзүн буруп, сыртын салышты.+
Бирок баштарына мүшкүл түшкөндө мага:
„Келип, бизди куткара көр!“ — дешет.+
28 Өзүң жасап алган кудайларың кайда?+
Колунан келсе, ошолор келип, башыңа түшкөн мүшкүлдөн куткарсын.
Себеби, оо, Жүйүт, канча шаарың болсо, ошончо кудайың бар.+
29 „Эмнеге мени менен дагы деле талашып-тартышып жатасыңар?
Эмнеге баарыңар мага каршы чыгып жатасыңар?“+ — дейт Жахаба.
30 Балдарыңарды жазалаганымдан майнап чыккан жок.+
Алар тарбияга моюн сунушкан жок;+Олжосун аябаган арстан сымал,Кылычыңар пайгамбарларыңарды жеп-жутту.+
31 Оо, элим, Жахаба айткан сөздү уккула!
Мен ысрайыл эли үчүн ээн талаа,Коюу караңгылык каптаган өлкө болуп калдымбы?
Элим эмнеге: „Биз каалаган жерибизде жүрөбүз.
Сага кайрылып келбейбиз“,— деп жатат?+
32 Кыз жасалгаларын,Колукту көкүрөк курун* унутабы?
Элим болсо мени эчак эле унутуп койгон.+
33 Оо, аял*, ойнош тапкан жагынан кандай кыйынсың!
Сен жаман иштерди кылганга маш болуп калдың.+
34 Атүгүл кийимиңдин этеги да бейкүнөө жакырлардын канына булганды,+Алар үйүңө кирип барып кылмыш кылбаса да,Этегиңден алардын канынын тактарын көрүп турам.+
35 Бирок сен: „Менин айыбым жок.
Ошон үчүн Кудай менден каарын кайт кылды“,— дейсиң.
„Мен күнөө кылган эмесмин“,— дегениң үчүн,Сага чыгарган өкүмдү ишке ашырам.
36 Эмнеге мынчалык жеңил ойлуусуң, туруксузсуң?
Сен Ашурдун айынан уятка калганыңдай,+Мисирдин айынан да уятка каласың.+
37 Ошондон улам эки колуң менен башыңды мыкчыган бойдон жөнөйсүң,+Себеби кимдерге таянсаң, Жахаба ошолорду четке какты;Алар сага эч жардам бере албайт».
Шилтемелер
^ Египет.
^ Же: «жээктерине».
^ Же: «жалы бар жаш арстандар».
^ Же: «Мемфис».
^ Евфрат.
^ Ассирияга.
^ Нил дарыясынын бир салаасы.
^ Күлдөн жасалган самын сыяктуу нерсе.
^ Же: «Сода».
^ Жаш ургаачы төө.
^ Же: «бөтөн жерликтердин кудайларын».
^ Же: «үйлөнүү үлпөтүндө тагынган курун».
^ Иерусалимге, башкача айтканда, Сионго карата айтылган.
