Жеремия 22:1—30
22 Жахаба мындай дейт: «Жүйүт падышасынын ак сарайына барып, мындай деп кабарла:
2 „Дөөтүнүн тактысында отурган Жүйүт падышасы, өзүң да, ушул дарбазадан кирген кызматчыларың менен элиң да, Жахабанын сөзүн уккула.
3 Жахаба мындай дейт: “Акыйкат, адил иш кылгыла, мүлкүн тарттырып жибергендерди митаамдардын колунан куткаргыла. Араңарда жашап жаткан бөтөн жерликке жаман мамиле кылбагыла, жетим менен жесирге кыянаттык кылбагыла.+ Бул жерде айыпсыз кишилердин канын төкпөгүлө.+
4 Ушул сөздөрдү толугу менен аткарсаңар, Дөөтүнүн тактысында отурган+ падышалар да, алардын кызматчылары менен эли да араба менен, ат менен бул ак сарайдын дарбазалары аркылуу кирет”“.+
5 „Ал эми бул сөздөргө кулак салбай турган болсоңор, өзүмдү оозанып ант берем: бул ак сарайдын таш-талканы чыгат“,+— дейт Жахаба.
6 Жахаба Жүйүт падышасынын ак сарайы жөнүндө мындай дейт:
„Сен мен үчүн Гилаттагы токойдойсуң,Лебанондун чокусундагы токойдойсуң.
Бирок сени ээн талаага айлантам;Бир да шаарыңда киши калбайт.+
7 Мен сага кыйратуучуларды жиберем*,Алардын ар биринин курал-жарагы бар.+
Алар тандамал бал карагайларыңды кыйып,Отко ыргытышат.+
8 Бул шаардын жанынан көптөгөн элдер өтүп, бири-биринен: “Бул улуу шаарды Жахаба эмнеге кыйратып таштады?” — деп сурашат. +
9 Ошондо арасынан кээ бири: “Анткени алар Жахаба Кудайы менен түзүлгөн келишимин бузуп, башка кудайларга сыйынып, ошолорго кызмат кылып кетишкен”,— деп жооп берет“.+
10 Өлгөн падышаны жоктоп ыйлабагыла,Күйүт тартпагыла.
Анын ордуна, туткунга кетип баратканды жоктоп катуу ыйлагыла,Себеби ал кайтып келбейт, туулган жерин кайра көрбөйт.
11 Атасы Жошиядан кийин такка келген,+ бул жерден кеткен Жүйүт падышасы Шалум*+ жөнүндө Жахаба мындай дейт: „Ал кайрылып келбейт.
12 Себеби туткундалып кеткен жеринде өлөт, бул жерди экинчи көрбөйт“.+
13 Үйүн арам жол менен,Үстүнкү бөлмөлөрүн адилетсиз жол менен куруп жаткан кишинин*,Жакынын бекер иштетип жаткан,Акы төлөбөй ишке салып жаткан кишинин башына каран түн түшөт!+
14 „Өзүмө үстүнкү бөлмөлөрү кенен,Терезелери чоң заңгыраган үй курам.
Аны бал карагай менен каптап,Ачык кызыл сыр менен сырдайм“,— дегендин башына каран түн түшөт.
15 Ак сарайыңды курганда башкалардыкынан көп бал карагай колдонгонуң үчүн эле,Падышалык кыла берем дейсиңби?
Сенин атаң деле жеп-ичип, жакшы жашаган,Бирок ал акыйкат, адил иш кылган,+Ошон үчүн жакшылык көргөн.
16 Ал сот ишинде бей-бечараны, жакырды коргогон,Ошондуктан баары жакшы болгон.
„Мына, мени билет деген ушул эмеспи? — дейт Жахаба.—
17 Ал эми сенин көзүң менен жүрөгүңдүн көксөгөнү — арам оокат,Жазыксыз кишинин канын төгүү,Башкаларды алдоо, опузалап мүлкүн тартып алуу“.
18 Ошон үчүн Жүйүт падышасы Жошия уулу Жаяким+ тууралуу Жахаба мындай дейт:
„Эл: “Оо, бир боорум! Оо, карындашым!” — деп ыйлагандай,Аны жоктоп эч ким ыйлабайт.
“Эсил кайран мырзам ой!
Мырзамдын даңкы өчтү!” — деп эч ким күйүт тартпайт.
19 Өлгөн эшекти эмне кылышса, аны да ошондой кылышат:+
Өлүгүн сүйрөп барып,Иерусалимдин дарбазаларынын сыртына ыргытып жиберишет“.+
20 Лебанонго чыгып кыйкыр*,Башандан бакыр.
Абарымдан+ кыйкыр,Себеби оттон ысык ойношторуңдун баары ойрон болду.+
21 Мен сага бейкут жашап жүргөнүңдө акыл айткам.
Бирок сен: „Тилиңди албайм“,— деп койгонсуң.+
Тилимди албай койгонсуң,Жаштайыңан ушундай жолду тандагансың.+
22 Койчуларыңдын баарын шамал айдап кетет,+Оттон ысык ойношторуң туткундалып кетет.
Ошондо башыңа түшкөн бардык мүшкүлдөн улам уят болосуң, кемсинтилесиң.
23 Лебанондо+ жашасаң да,Бал карагайларга уя салсаң да,+Жаның кыйналганда катуу онтойсуң,Төрөп жаткан аялдай азап чегесиң!»+
24 «„Өзүмдү оозанып ант берем,— дейт Жахаба.— Жүйүт падышасы Жаякимдин+ уулу Кония*,+ сен менин оң колумдагы мөөр шакегим болсоң да, колуман чечип салмакмын!
25 Сени жаныңды алгысы келгендердин колуна, өзүң корккондордун колуна, Бабыл падышасы Небухаданасар менен каздимдиктердин колуна салып берем.+
26 Сени да, сени төрөгөн энеңди да өзүңөр туулбаган бөтөн жерге кууп жиберем, ошол жерде өлөсүңөр.
27 Өзүңөр көксөгөн бул жерге эч качан кайтып келбейсиңер.+
28 Кония эч кимге жакпаган, сынып калган казанбы?
Эч кимге кереги жок идишпи?
Анда эмнеге өзү да, урпактары да четке кагылып,Өздөрү билбеген жерге куулду?“+
29 Оо, бул жерде жашаган эл*, Жахабанын сөзүн уккула!
30 Жахаба мындай дейт:
„Бул кишини бала көрбөгөн,Өмүрү өткүчө эч кандай ийгиликке жетпей турган киши деп жазып койгула,Анткени урпактарынан эч кимиси Дөөтүнүн тактысына отурбайт,Жүйүт жеринде эч качан бийлик кылбайт“».+
Шилтемелер
^ Же: «дайындайм».
^ Жахаз деген да аты бар.
^ 13—17-аяттарда Жүйүт жеринин падышасы Жаяким жөнүндө сөз жүрүп жатат.
^ Сыягы, бул сөздөр Иерусалимге айтылган.
^ Жаякин, Жекония деген да аты бар.
^ Сөзмө-сөз: «Оо, жер, жер, жер».
