Жеремия 30:1—24
-
Кудай эл кайтып келип, айыгарын убада кылат (1—24)
30 Жахаба Жеремияга мындай деп айтты:
2 «Ысрайылдын Кудайы Жахаба мындай дейт: „Сага айткан сөздөрүмдүн баарын китепке жазып ал.
3 Анткени Жахаба: “Мен туткундагы элимди, Ысрайыл менен Жүйүттү, чогулта турган күндөр келатат”,+— дейт. “Мен аларды ата-бабаларына берген жерге кайра алып келем, алар аны кайрадан ээлешет”,— дейт Жахаба“».+
4 Жахабанын Ысрайыл менен Жүйүттүн элине айткан сөздөрү.
5 Жахаба мындай дейт:
«Коркуп-калтырагандардын үнү угулуп жатат.
Коркунуч каптады, эч тынчтык жок.
6 Сурап көргүлөчү, эркек киши төрөйбү?
Анда эмнеге төрөп жаткан аялга окшоп,+Алдуу-күчтүү эркектердин ар бири ичин* кармап алган?
Эмнеге баарынын өңү кубарган?
7 Ал күн коркунучтуу болот,+Андай күн болгон эмес.
Жакыптын урпактары үчүн кыйын кезең болот.
Ошентсе да алар андан куткарылат».
8 «Ошол күнү,— дейт асман аскерлеринин Кудайы Жахаба,— алардын мойнундагы моюнтурукту сындырып, боолорун үзөм. Ошондон кийин чоочундар* аларды кул кылбайт.
9 Алар мага, Жахаба Кудайына, ошондой эле мен аларга дайындай турган Дөөтү падышасына кызмат кылышат».+
10 «Кызматчым Жакып, коркпо,— дейт Жахаба,—
Оо, Ысрайыл, үрөйүң учпасын.+
Себеби мен сени алыскы жерден,Тукумуңду туткунда жүргөн жеринен куткарам.+
Жакып кайтып келип, бейкапар, тынч жашайт.
Аны эч ким коркутпайт».+
11 «Анткени сени куткарыш үчүн мен сени менен болом,— дейт Жахаба.—
Сени кайсы элдердин арасына чачыратып жиберсем, ошол элдердин баарын кырам,+Сени болсо кырбайм.+
Сени чени менен жазалайм*,Жазасыз калтырбайм».+
12 Жахаба мындай дейт:
«Сенин* жараатыңа даба жок.+
Алган жаракатың айыккыс.
13 Сени коргоп болуша турган эч ким болбойт.
Жараңа шыпаа,Дартыңа даба табылбайт.
14 Сени оттон ысык ойношторуңдун баары унутту,+Эч кимиси издебей калды.
Анткени чоң айыбың,Көптөгөн күнөөлөрүң үчүн+ сага душмандай болуп сокку урдум,+Мыкаачы киши жазалагандай жазаладым.
15 Эми жараатыңды айтып эмнеге ыйлап жатасың?
Кайгың баары бир басылбайт.
Чоң айыбың, көптөгөн күнөөлөрүң үчүн+Ушунун баарын башыңа түшүрдүм.
16 Сени жеп-жутуп жаткандардын баары өздөрү жеп-жутулат,+Душмандарыңдын да бардыгы туткунга кетет.+
Сени талап-тоногондор таланып-тонолот,Каракчыдай болуп сени карактагандардын баарын өздөрү карактала тургандай кылам».+
17 «Сени элден чыгып калган бирөөдөй көрүп:
„Издей турган эч кимиси жок Сион“,+— дешсе да,Мен сени сакайтам, жарааттарыңды айыктырам»,+— дейт Жахаба.
18 Жахаба мындай дейт:
«Жакыптын туткунда жүргөн урпактарын чогултам,+Анын чатырларын аяйм.
Шаар мурун өзү жайгашкан дөңсөөгө кайра курулат,+Бекем мунарасы өз ордуна кайра тургузулат.
19 Алардын ыраазы болгон үндөрү угулат, күлкүсү жаңырат.+
Мен аларды көбөйтөм, алар азайбайт.+
Аларды сан жеткис кылам*,Катары суюлбайт.+
20 Жакыптын урпактары мурункудай болуп гүлдөйт,Жамааты менин алдымда бекем болуп түптөлөт.+
Аны эзгендердин баарын жазалайм.+
21 Алардын арасынан улуу бирөө чыгат,Өздөрүнүн эле ичинен башчы чыгат.
Мен аны өзүмө тартам, ал мага жакындайт».
«Болбосо мага жакындаганга ким даай алат?* — дейт Жахаба.—
22 Силер менин элим болосуңар,+ мен силердин Кудайыңар болом».+
23 Мына, Жахабанын каары удургуган шамалдай болот;+Уюлгуган катуу шамалдай ыймансыздарды каптап калат!
24 Жахаба жүрөгүндөгү ойлорун орундатмайын, ишке ашырмайын,Кайнаган каары кайт болбойт.+
Силер муну акыркы күндөрү түшүнөсүңөр.+
Шилтемелер
^ Же: «белин».
^ Же: «бөтөн жерликтер».
^ Же: «оңдоп-түзөйм; тартипке салам».
^ Сионго карата айтылып жатат.
^ Же балким: «урмат-сыйга бөлөйм».
^ Сөзмө-сөз: «мага жакындаш үчүн ким жүрөгүн күрөөгө коё алат?»
