Жеремия 43:1—13
43 Жеремия бүт элге алардын Кудайы Жахабанын бардык сөздөрүн, алардын Кудайы Жахабанын айт деп жиберген бардык сөздөрүн айтып бүткөндө,
2 Ошаянын уулу Азария, Кареахтын уулу Жоханан+ менен бардык менменсинген кишилер Жеремияга: «Сенин айткандарың калп! Жахаба Кудайыбыз сени: „Мисирге жашаганы барбагыла“,— деп айттырыш үчүн жиберген жок.
3 Сени бизге каршы Нериянын уулу Барух+ тукуруп жатат. Анын бизди каздимдиктердин колуна салып берип, өлтүрткүсү же Бабылга туткунга айдаткысы бар»,+— дешти.
4 Кареахтын уулу Жоханан менен бардык аскер башчылар, бүт эл Жүйүт жеринде калгыла деп айткан Жахабаны укпай коюшту.
5 Тескерисинче, Кареахтын уулу Жоханан менен бардык аскер башчылар жүйүт элинин бүт калдыгын, тактап айтканда, кайсы элдердин арасына чачырап кетсе, ошол элдердин арасынан Жүйүт жеринде жашап туруш үчүн кайтып келгендердин баарын Мисирге алып жөнөштү.+
6 Алар эркектерди, аялдарды, балдарды, падышанын кыздарын, сакчылардын башчысы Небузарадан+ Шапандын+ небереси, Ахикамдын+ уулу Гедалияга+ тапшырган адамдардын баарын, ошондой эле Жеремия пайгамбар менен Нериянын уулу Барухту да алып жөнөштү.
7 Ошентип, Жахабаны укпай, Мисир жерине бет алып, Тахпанеске+ жетишти.
8 Тахпанесте Жахаба Жеремияга мындай деди:
9 «Колуңа чоң-чоң таштарды ал да, аларды Тахпанесте жүйүттөрдүн көзүнчө фараондун ак сарайынын кире беришиндеги кыш төшөлгөн жерге катып, үстүнөн ылай менен шыбап кой.
10 Анан аларга мындай деп айт: „Ысрайылдын Кудайы, асман аскерлеринин Кудайы Жахаба мындай дейт: “Мен кызматчым Бабыл падышасы Небухаданасарды чакыртып,+ анын тактысын өзүм катып койгон ушул таштардын үстүнө коём. Ал ушул таштардын үстүнө чатырын* тигет.+
11 Ал келип, Мисир жерине сокку урат.+ Айыккыс дарттан өлө турган айыккыс дарттан өлөт, туткунга кете турган туткунга кетет, кылычтан өлө турган кылычтан өлөт.+
12 Мен Мисирдин кудайларынын ибадатканаларына от коём.+ Бабылдын падышасы алардын ибадатканаларын өрттөп, өздөрүн туткундап кетет. Койчу кийимин оронуп алгандай, ал Мисир жерин оронуп алат, анан ал жерден аман-эсен чыгып кетет.
13 Ал Мисир жериндеги Бет-Шемеш* мамыларын* талкалап, Мисирдин кудайларынын ибадатканаларын өрттөп салат”“».
Шилтемелер
^ Же: «падыша чатырын».
^ Же: «Күндүн үйүнүн (ибадатканасынын)». Б. а. Гелиополистин.
^ Же: «эстелик мамыларын».
