Жеремия 46:1—28
46 Жахабанын Жеремия пайгамбарга башка элдер тууралуу айткан сөзү.+
2 Ал Мисир жөнүндө,+ Жүйүттүн падышасы Жошия уулу Жаякимдин+ башкаруусунун төртүнчү жылында Эфрат дарыясынын жээгиндеги Каркемиште Бабыл падышасы Небухаданасар талкалаган Мисирдин падышасы Нехо+ фараондун аскерлери жөнүндө мындай деди:
3 «Кичине калканыңар* менен чоң калканыңарды камдап,Салгылашка жөнөгүлө.
4 Атчандар, аттарыңарды токуп, минип чыккыла,Туулгаңарды кийип, тизилгиле.
Найзаларыңарды курчутуп, соотуңарды кийгиле.
5 „Эмнеге алардын үрөйү учуп жатат?
Алар артка чегинип, жоокерлери кыйратылды.
Дүрбөлөңгө түшүп качышты, жоокерлери артын карабай качып жөнөдү.
Айлананы коркунуч басты,— дейт Жахаба.—
6 Күлүктөр качып кете албайт, жоокерлер кутула албайт.
Алар чалынып жыгылышты,Түндүктөн, Эфрат дарыясынын жээгинен, чалынып жыгылышты“.+
7 Суусу албууттанган дарыялардай,Нил дарыясындай көтөрүлүп келаткан бул ким?
8 Мисир Нил дарыясындай,+Суусу албууттанган дарыялардай көтөрүлүп:
„Мен ташкындап, жерди каптайм.
Шаар менен анда жашагандарды жок кылам“,— деп жатат.
9 Аттар, жөнөгүлө!
Арабалар, чаң сапыра зуулдагыла!
Куш* менен Путтун жоокерлери,Калкан көтөргөн жоокерлери чыксын,+Лудимдин+ жаа тарткан жаачылары чыксын.+
10 Ал күн — Эгедер Теңир, асман аскерлеринин Кудайы Жахабанын күнү, душмандарынан өч ала турган күнү. Кылыч жалмайт, канга тоюп, моокуму канат. Себеби Эгедер Теңир, асман аскерлеринин Кудайы Жахаба түндүк жеринде, Эфрат дарыясынын+ жээгинде курмандык чалат.
11 Оо, Мисир кызы,Гилатка барып, бальзам ал.+
Дары-дармегиңди көбөйткөнүңдөн пайда жок,Себеби дартыңа даба жок.+
12 Маскара болгонуң элдерге угулду,+Өкүрүгүң жер жаңыртты.
Себеби жоокер жоокерге чалынып,Экөө тең жерге жыгылды».
13 Бабыл падышасы Небухаданасардын Мисир жерин кыйратыш үчүн келери тууралуу Жахабанын Жеремия пайгамбарга айткан сөзү:+
14 «Мисирде жарыялагыла, Мигдолдо+ жар салгыла,Ноп менен Тахпанесте+ жарыялагыла.
Мындай дегиле: „Тизилгиле, даярдангыла,Анткени силерди туш тараптан кылыч жалмайт.
15 Күчтүүлөрүң эмнеге ойрон болду?
Жахаба өзү кулаткандыктан,Алар туруштук бере алышкан жок.
16 Далайы чалынып жыгылып жатат.
Бири-бирине:
“Тур, аёосуз кырган кылычтан качып,Өз элибизге, туулган жерибизге кайталы!” — деп жатат“.
17 Ал жерде алар: „Мисир падышасы фараон жел өпкө,Ал мүмкүнчүлүктү колдон чыгарып жиберди“,— деп жатышат.+
18 „Өзүмдү оозанып ант берем,— дейт Падыша, асман аскерлеринин Кудайы Жахаба деген ысымы бар тирүү Кудай,—
Ал* келип, тоолордун арасында Табор+ кандай болсо,Деңиз жээгиндеги Кармел+ кандай болсо, ошондой болот.
19 Оо, Мисирдин эли*,Туткунга кетиш үчүн жүгүңдү камда.
Себеби Ноп үрөй учурарлык абалда калат,Өрттөлөт*, бир да тургуну калбайт.+
20 Мисир сулуу кунажындай,Бирок аны түндүктөн учуп келген көгөөн талайт.
21 Анын жалданма жоокерлери да борго байланган торпоктордой,Бирок алар да артка бурулуп, качып кетишти.
Туруштук бере алышкан жок,+Анткени алардын алааматка кабылар күнү,Жоопко тартылар убагы келди“.
22 „Ал качып бараткан жыландай ышылдайт,Себеби күчтүү душмандары колуна балта көтөрүп,Бак кыйгандардай* болуп келатат.
23 Анын токою чытырман токойдой көрүнсө да,— дейт Жахаба,—
Алар аны кыйып таштайт.
Себеби алар чегирткеден да көп, сан жеткис.
24 Мисирдин эли уят болот.
Алар түндүктөгү элдин колуна салынып берилет“.+
25 Ысрайылдын Кудайы, асман аскерлеринин Кудайы Жахаба: „Мен Нонун*+ кудайы Амонду,+ фараонду, Мисирди, анын кудайларын,+ падышаларын, ооба, фараондун өзүн жана ага таянгандардын баарын жазалайм“,+— дейт.
26 „Мен аларды жанын алгысы келгендердин колуна, Бабыл падышасы Небухаданасар менен кызматчыларынын колуна салып берем.+ Бирок кийин Мисир мурунку убактагыдай элдүү болот“,— дейт Жахаба.+
27 „Сен болсо, кызматчым Жакып, коркпо,Оо, Ысрайыл, үрөйүң учпасын.+
Себеби мен сени алыскы жерден,Тукумуңду туткунда жүргөн жеринен куткарам.+
Жакып кайтып келип, бейкапар, тынч жашайт,Аны эч ким коркутпайт.+
28 Ошон үчүн, кызматчым Жакып, коркпо,— дейт Жахаба.— Анткени мен сени менен болом.
Сени кайсы элдердин арасына чачыратып жиберсем, ошол элдердин баарын кырам,+Сени болсо кырбайм.+
Сени чени менен жазалайм*,+Бирок жазасыз калтырбайм“».
Шилтемелер
^ Көбүнчө жаачылар көтөргөн чакан калкан.
^ Же: «Эфиопия».
^ Б. а. Мисирди жеңүүчү.
^ Сөзмө-сөз: «Мисир кызы».
^ Же балким: «Ээн калат».
^ Же: «Отун чогулткандардай».
^ Б. а. Фибанын (Тебестин).
^ Же: «оңдоп-түзөйм; тартипке салам».
