Жеремия 6:1—30
6 Оо, Бенжеминдин урпактары, Иерусалимден качып чыгып, баш калкалаар жай издегиле,Текояда+ мүйүз сурнай тарткыла;+Бет-Акеремде от күйгүзүп, белги бергиле.
Анткени түндүктөн алаамат келатат, чоң бүлгүн болот.+
2 Сион кызы сулуу, эрке айымга окшош эле.+
3 Койчулар оторлорун айдап келет.
Алар анын айланасына чатырларын тигип,+Ар бири өз оторун ошол жерге жаят.+
4 «Иерусалим менен согушканга даярдангыла*!
Тургула, ага түштө чабуул жасайлы!»
«Шорубуз каткан тура! Себеби күн батканы калды,Күүгүм кирип баратат!»
5 «Тургула, түн ичинде кол салып,Чептүү мунараларын талкалайлы».+
6 Асман аскерлеринин Кудайы Жахаба мындай дейт:
«Бак-дарактарды кыйып, Иерусалимге сокку уруш үчүн курулма кургула.+
Ал шаар жоопко тартылышы керек;Себеби зордук-зомбулукка толгон.+
7 Кудук муздак суунун булагы болгондой эле,Ал шаар да жаман иштердин булагы болуп калды.
Анда зордук-зомбулук кылгандардын, баарын бүлдүргөндөрдүн үнү угулуп жатат;+Каякты карабайын, оору менен кырсык-каргашаны гана көрүп келем.
8 Оо, Иерусалим, эскертүүмө кулак сал, болбосо сенден жийиркене баш тартам;+Сени эч ким жашабаган ээн жерге айлантам».+
9 Асман аскерлеринин Кудайы Жахаба:
«Жүзүмдүн калдыгын терип чогулткандай, душмандар ысрайыл элинин аман калгандарын бүт чогултуп кетишет.
Бутактарда калган жүзүмдү терген кишидей колуңду кайра сун»,— дейт.
10 «Кимге сүйлөйүн, кимге эскертейин?
Ким кулак кагат?
Алардын кулагы жабык, ошон үчүн кунт коюп уга алышпайт.+
Алар Жахабанын сөзүн баркка албай, мазакташат;+Анын сөзүн жактырышпайт.
11 Ошон үчүн ичим Жахабанын каарына толуп чыкты,Аны тыйып жатып чарчадым».+
«Ичиңдеги каарды көчөдөгү балдарга да,+Чогулган улан-жигиттерге да төк.
Эркек аялы менен кошо,Улгайган киши карылыгы жеткен киши менен кошо туткунга кетет.+
12 Алардын үйлөрүнө,Талааларына, аялдарына башкалар ээлик кылат.+
Анткени мен колумду сунуп, бул жердин тургундарын жазалайм»,— дейт Жахаба.
13 «Себеби алар кичинесинен чоңуна чейин арам жол менен пайда табат;+Пайгамбарынан тартып дин кызматчысына чейин бири да калбай алдамчылык кылышат.+
14 Тынчтык жок болсо да:+
„Тынчтык! Тынчтык!“ — деп,Элимдин жараатын* айыктырымыш болушат.
15 Алар жийиркеничтүү иштери үчүн уялышабы?
Түк да уялып коюшпайт!
Атүгүл уялуу деген эмне экенин да билишпейт!+
Ошон үчүн алар кулагандар менен кулашат.
Мен жазалаганда, чалынышат»,— дейт Жахаба.
16 «Жолдордун кесилишине токтоп, карап көргүлө.
Байыркы жолдор тууралуу сураштыргыла,Кайсы жолдун жакшы экенин сурап, ошол жолго түшкүлө,+Ошондо жаныңар жай алат»,— дейт Жахаба.
Эл болсо: «Жок, ал жолго түшпөйбүз»,— деп жооп берет.+
17 «Мен күзөтчүлөрдү койгом,+Алар: „Мүйүз сурнайдын үнүнө кулак салгыла!“ — деген».+
Бирок эл: «Кулак салбайбыз»,— деген.+
18 «Ошондуктан, элдер, уккула!
Оо, калайык калк,Иерусалимдин эли эмне болорун билип алгыла.
19 Жер жүзүндөгү элдер, уккула!
Мен бул элдин башына мүшкүл түшүрөм,+Алар жаман ойлорунун кесепетин тартышат,Себеби менин сөздөрүмө кулак салбай,Мыйзамымды* четке кагышты».
20 «Шебадан ладан*,Алыскы жерден жыттуу камыш алып келгениңердин мага эмне кереги бар?
Бүтүндөй өрттөлчү курмандыктарыңарды кабыл албайм,Алып келген курмандыктарыңар мага жакпайт».+
21 Ошон үчүн Жахаба мындай дейт:
«Мен бул элдин жолуна таштарды коём,Ошондо ал таштарга баары:
Аталары менен уулдары,Кошунасы менен досу чалынып,Баары өлүп жок болот».+
22 Жахаба мындай дейт:
«Мына, түндүк тараптан бир эл келатат.
Жердин кыйырындагы улуу эл козголот.+
23 Алардын колунда бекем кармаган жаасы менен кыска найзасы болот.
Алар — мыкаачы, таш боор эл.
Алар деңиздей күр-шар түшүп,Ат минип жетип келишет.+
Оо, Сион шаары, алар сага каршы аскердик тартипте бир кишидей болуп келатышат».
24 Биз бул жөнүндө уктук.
Ошондо кайратыбыз качты;+Азапка малындык,Төрөп жаткан аялдай кыйналдык.+
25 Талаага чыкпа,Жолдо жүрбө,Себеби кылыч көтөргөн душман жүрөт;Айлананын баары коркунучтуу болуп турат.
26 Оо, элим*,Таар жамынып,+ күлгө оона.
Жалгыз уулун жоктогон адамдай күйүт тартып, боздоп ыйла,+Себеби кыргын салуучу бизге күтүлбөгөн жерден келет.+
27 «Мен сени* кенди тазалаган*,Кылдат текшерген кишидей кылып дайындадым;Сен элимдин иштерин байкап, текшересиң.
28 Алардын баары жеткен тоң моюн.+
Жалаа жаап эле басып жүрүшөт.+
Алардын жүрөгү жездей, темирдей катуу;Бири калбай бузулган.
29 Кен тазалоочу тазалай берип, көөрүктөрү* күйүп кетти.
Бирок оттон коргошун эле чыкты.
Эритүүчү бекер эле убара болуп жатат,+Анткени ыймансыздар бөлүнүп чыккан жок.+
30 Андай адамдар жараксыз күмүш деген атка конот,Себеби Жахаба аларды жараксыз деп четке какты».+
Шилтемелер
^ Же: «согушуш үчүн өзүңөрдү ыйыктагыла».
^ Же: «сынган жерин».
^ Же: «Көрсөтмөмдү».
^ Сөзмө-сөз: «Элимдин кызы».
^ Б. а. Жеремияны.
^ Же: «сынаган».
^ От үйлөй турган шайман.
