Жылнаама 1-китеп 14:1—17
14 Тирдин падышасы Хирам+ бал карагайларды жөнөтүп турууну сүйлөшүш үчүн Дөөтүгө кишилерин жиберди. Ошондой эле ага бал карагайларды, үй* курганга таш тизген* жумушчулар менен жыгач усталарды жиберди.+
2 Ошондо Дөөтү Жахабанын анын Ысрайылдын үстүнөн жүргүзгөн падышалык бийлигин чыңдаганын,+ өз эли үчүн падышалыгын даңазалуу кылганын түшүндү.+
3 Дөөтү Иерусалимде дагы бир нече аял алып,+ дагы уул-кыздуу болду.+
4 Анын Иерусалимде төрөлгөн балдары булар:+ Шамуя, Шобап, Натан,+ Сулайман,+
5 Ипхар, Элишуа, Элпелет,
6 Ногах, Непек, Жапиа,
7 Элишама, Белиада, Элипелет.
8 Дөөтүнүн Ысрайылга падыша болгонун+ укканда пелиштиликтердин баары аны менен согушканы чыгышты.+ Бул тууралуу билгенде Дөөтү аларга каршы аттанды.
9 Пелиштиликтер репаимдер жашаган өрөөнгө келип, улам кол салып жатышты.+
10 Дөөтү Кудайдан: «Пелиштиликтер менен согушканы барайынбы? Аларды колума салып бересиңби?» — деп сурады. Жахаба: «Бар, аларды колуңа салып берем»,— деп жооп берди.+
11 Дөөтү Баал-Перасимге+ барып, пелиштиликтерге катуу сокку уруп: «Чыныгы Кудай душмандарымды колума салып берип, аларды суу жарып кеткен тосмодой кылып кыйратты»,— деди. Ошондон улам ал жерди Баал-Перасим* деп аташты.
12 Пелиштиликтер кудайларын ошол жерге таштап кетишти. Аларды Дөөтүнүн буйругу менен өрттөп салышты.+
13 Кийинчерээк пелиштиликтер өрөөндө жашагандарга дагы кол салышты.+
14 Дөөтү чыныгы Кудайдан дагы сураганда, ал: «Алардын алды жагынан чыкпа. Аларды айланып өтүп, бака* бадалдарынын тушунан кол сал.+
15 Бака бадалдарынын үстү менен бирөө басып бараткандай дабышты угарың менен согушту башта, анткени чыныгы Кудай пелиштиликтердин аскерин талкалаш үчүн алдыңда бараткан болот»,— деди.+
16 Дөөтү бардыгын чыныгы Кудай буйругандай кылды.+ Ал кишилери менен пелиштиликтердин аскерин Гибондон Гезерге+ чейин кууп, жолду карай кырып барды.
17 Ошентип, Дөөтүнүн атак-даңкы бүт элдерге тарады. Жахаба бардык элдерди андан корко тургандай кылып койду.+
Шилтемелер
^ Же: «ак сарай».
^ Же: «дубал тургузган».
^ Мааниси: «бузуп-жаруунун кожоюну».
^ Еврей тилиндеги сөздүн транслитерациясы; так мааниси белгисиз.
