Забур 103:1—22
Дөөтүнүн ыры.
103 Жахабаны алкап-мактайын,Бүт жан дүйнөм ыйык ысмын даңктасын.
2 Жахабаны алкап-мактайын,Анын кылган иштеринин бирин да эч качан унутпайын.+
3 Ал айыбыңдын баарын кечирет,+Дартыңдын баарын айыктырат.+
4 Мени көрдөн куткарат*,+Сүйүүсү* менен кайрымдуулугуна бөлөйт.+
5 Жашооңду жакшылыкка толтурат,+Ошондо күчүң* бүркүттүкүндөй болуп жаңыланат.+
6 Жахаба эзилгендердин баарына калыстык кылат,+Алар үчүн адилдик менен иш кылат.+
7 Ал Мусага кандай иш кыларын*,Ысрайыл элине жасаган иштерин ачып берген.+
8 Жахаба — ырайымдуу, боорукер,+Сабырдуу*, сүйүүсү* чексиз Кудай.+
9 Ал кынтык издей бербейт,+Түбөлүккө каардана бербейт.+
10 Бизге күнөөлөрүбүзгө жараша мамиле кылбайт,+Кылмыштарыбызга жараша тиешебизди бербейт.+
11 Анткени асман жерден кандай чексиз бийик болсо,Анын өзүнөн корккондорго болгон сүйүүсү* ошондой чексиз.+
12 Батыштан чыгыш канчалык алыс болсо,Ал кылмыштарыбызды бизден ошончолук алыстатты.+
13 Атасы уулдарына ырайым кылгандай,Жахаба андан корккондорго ырайым кылат.+
14 Анткени биздин эмнеден жаратылганыбызды жакшы билет,+Топурак экенибизди унутпайт.+
15 Ажалдуу адамдын өмүр күндөрү көк чөптүкүндөй кыска эле,+Ал талаа гүлүндөй болуп гүлдөйт.+
16 Бирок шамал соксо эле, ал жок болот,Эч качан болбогондой эле болуп калат.
17 Жахаба болсо андан корккондорду түбөлүккө сүйөт*,+Алардын урпактары үчүн адил иш кылат,+
18 Анын келишимин сактагандар үчүн,Буйруктарын кылдат аткаргандар үчүн адил иш кылат.+
19 Жахаба тактысын асманга бекем орноткон,+Анын падышалыгы бардыгына бийлик жүргүзөт.+
20 Жахабанын бардык периштелери,+ күчтүүлөрү,Анын сөзүн аткарып,+ ага баш ийгендер, аны алкагыла.
21 Жахабанын бардык аскерлери,+Эркин аткарган кызматчылары,+ аны алкагыла.
22 Жахабанын колунан бүткөндүн баары,Ал бийлик кылган* жерлердин баарында аны алкагыла.
Жахабаны бүт жүрөгүм менен даңктайын.
Шилтемелер
^ Же: «чуңкурдан чыгарат».
^ Же: «туруктуу сүйүүсү»; «мээримдүүлүгү».
^ Сөзмө-сөз: «жаштыгың».
^ Же: «жолдорун».
^ Же: «Ачууланганга шашпаган».
^ Же: «туруктуу сүйүүсү».
^ Же: «туруктуу сүйүүсү».
^ Же: «туруктуу сүйүү көрсөтөт».
^ Же: «эгедерлик кылган».
