Забур 107:1—43
107 Жахабага* ыраазычылык билдиргиле, анткени ал — мээримдүү* Кудай,+Анын сүйүүсү* түбөлүктүү.+
2 Жахаба куткаргандар мына ушинтип айтышсын.
Ал өзү душмандын колунан* куткаргандар,+
3 Ар кайсы жерлерден,+Күн чыгыш менен батыштан,Түндүк менен түштүктөн чогулткандар ушинтип айтышсын.+
4 Алар ээн талаа, эрме чөлдө тентип жүрүшкөн,Жашай турган шаарына алып барчу жолду таппай жүрүшкөн.
5 Ачка болушкан, суусашкан,Алсырап, эстен танышкан.
6 Кыйналганда Жахабага жалынышкан,+Ал болсо аларды азабынан арылткан.+
7 Отурукташа турган шаарына жеткириш үчүн+Аларды туура жолго салган.+
8 Эл Жахабага туруктуу сүйүүсү үчүн,Адам баласына жасаган кереметтүү иштери үчүн+ ыраазычылык билдирсин.+
9 Анткени ал суусагандын суусунун кандырган,Ачка болгонду ырыскысын* берип тойгузган.+
10 Айрымдар коюу караңгылыкта жашашкан,Кишенделген, азап чеккен туткун болушкан.
11 Анткени Кудайдын сөзүнө каршы чыгышкан,Эң Жогорку Кудайдын кеп-кеңешин баркташкан эмес.+
12 Ошондуктан ал аларды кыйынчылыктар аркылуу жоошуткан,+Алар кулаганда*, жардам берер эч ким болгон эмес.
13 Кыйналганда Жахабаны жардамга чакырышкан,Ал болсо аларды азабынан куткарган.
14 Аларды коюу караңгылыктан чыгарган,Кишендерин сындырган.+
15 Эл Жахабага туруктуу сүйүүсү үчүн,Адам баласына жасаган кереметтүү иштери үчүн ыраазычылык билдирсин.+
16 Себеби ал жез эшиктерди талкалап,Темир бекиткичтерин сындырган.+
17 Алар акылсыз болушкан,Кылмыштарынын, күнөөлөрүнүн айынан азап тартышкан.+
18 Бир да тамакка табити тартпай калган,Өлүмдүн чеңгелине түшкөнү калышкан*.
19 Кыйналганда Жахабаны жардамга чакырышчу,Ал болсо аларды азабынан куткарчу.
20 Ал буйрук берип, аларды айыктырчу,+Көрдөн сактап калчу.
21 Эл Жахабага туруктуу сүйүүсү үчүн,Адам баласына жасаган кереметтүү иштери үчүн ыраазычылык билдирсин.
22 Ыраазычылык билдирип курмандыктарды чалышсын,+Анын иштерин кубанып жар салышсын.
23 Кеме менен деңизге чыккандар,Учу-кыйыры көрүнбөгөн сууларды кезип соода жүргүзгөндөр,+
24 Жахабанын иштерин көрүшөт,Терең суулардагы кереметтүү иштерин көрүшөт,+
25 Ал буйрук бергенде, катуу шамал болорун,+Толкундардын бийик көтөрүлөрүн көрүшөт.
26 Кемедегилер бирде асманга көтөрүлсө,Бирде тереңге түшүшөт.
Алдыдагы коркунучту ойлоп, кайраты качат.
27 Мас кишидей теңселип, чайпалышат,Бүт жөндөмүн колдонушса да, майнап чыкпайт.+
28 Кыйналганда Жахабага жалынышат,+Ал болсо аларды азабынан арылтат.
29 Катуу шамалды тынчтандырат,Ошондо деңиз толкундары басылат.+
30 Айлана жымжырт болуп калганда, кубанышат.
Кудай аларды көксөгөн жээгине алып барат.
31 Эл Жахабага туруктуу сүйүүсү үчүн,Адам баласына жасаган кереметтүү иштери үчүн ыраазычылык билдирсин.+
32 Аны эл чогулган жыйналышта даңазалашсын,+Аксакалдар кеңеш курган жерде макташсын.
33 Ал дарыяларды чөлгө,Суу башаттарын какшыган жерге айлантат,+
34 Тургундарынын жаман иштери үчүнТүшүмдүү жерди эч нерсе өспөгөн шор жерге айлантат.+
35 Чөлдү болсо камыштуу көлмөгө,Какшыган жерди суу башаттарына айлантат.+
36 Ошол жерге шаар куруп жашасын деп,+Ачкаларды отурукташтырат.+
37 Алар жер айдап, жүзүм отургузуп,+Мол түшүм алышат.+
38 Кудай батасын бергендиктен, элинин саны өскөндөн өсөт,Бодо малы да көбөйөт.+
39 Бирок эзүүдөн, кырсыктан, кайгыдан уламЭли кайрадан азайып, бүк түшүп калат.
40 Кудай аттуу-баштууларды жектейт,Ошондуктан алар жолсуз ээн талаада каңгып калышат.+
41 Бирок ал жакырды эзгендерден коргойт*,+Анын үй-бүлөсүн отордой көбөйтөт.
42 Муну адил адамдар көрүп кубанат,+Ал эми ыймансыздардын баары оозун басат.+
43 Ким акылдуу болсо, ушуларга дит коёт,+Жахабанын туруктуу сүйүүсүн чагылдырган иштери жөнүндө терең ойлонот.+
Шилтемелер
^ Же: «туруктуу сүйүүсү».
^ Сөзмө-сөз: «жакшы».
^ Же: «бийлигинен».
^ Же: «жакшы нерселерди».
^ Же: «мүдүрүлгөндө».
^ Сөзмө-сөз: «Өлүм дарбазасына жакындашкан».
^ Же: «жакырды бийик көтөрөт». Б. а. кол жеткис кылат.
