Забур 108:1—13
Дөөтүнүн ыры.
108 Оо, Кудай, мен бүт жүрөгүм менен сага берилгем,Сени бүт жүрөгүм менен даңктап ырдайм, күү аспап чертем.+
2 Ойгон, кыл аспап, ойгон, арфа,+ сен дагы.
Мен ойготом ак таңды.
3 Оо, Жахаба, сени элдердин арасында даңазалайм,Элдердин арасында даңктап ырдайм*.
4 Анткени туруктуу сүйүүң улуу, асманга жетет,+Берилгендигиң көккө чейин жетет.
5 Оо, Кудай, улуулугуң асмандан да жогоруласын,Даңкың бүт жер жүзүнө тарасын.+
6 Сүйүктүүлөрүң аман калышы үчүн,Бизди оң колуң менен куткар, тилегимди кабыл кыл.+
7 Ыйык* Кудай мындай деди:
«Мен шаттанам, Шекемди+ элиме үлүшкө берем,Сукот өрөөнүн өлчөп, бөлүп берем.+
8 Гилат+ да, Менаше да меники,Эпрайым — башымдагы туулга*,+Жүйүт — падыша таягым.+
9 Маап — чылапчыным.+
Эдомго болсо сандалымды ыргытам.+
Пелиштини жеңип, шаттанып кыйкырам».+
10 Чептүү шаарга мени ким алып барат?
Эдомго ким жетектеп барат?+
11 Сен эмеспи, бизди таштап койгон Кудайыбыз,Аскерлерибиз менен салгылашка чыкпай калган Кудайыбыз?!+
12 Кыйын кезеңде бизге жардам бер,+Анткени пенде куткара албайт.+
13 Кудай бизге күч берет,+Душмандарыбызды тебелейт.+
