Забур 12:1—8
-
Жахаба иш-аракет кылат
-
Кудайдын сөздөрү таза (6)
-
Жетекчиге. Шеминитке күүлөнгөн. Дөөтүнүн ыры.
12 Оо, Жахаба, мени куткара көр. Себеби ишенимдүүлөр калбай калды,Ишенсе боло тургандар адамдардын арасынан жок болду.
2 Баары бири-бирине калп айтышат,Жагалдана сүйлөшөт, анткорлонуп* алдашат.+
3 Жахаба жагалдана сүйлөгөн оозду,Мактанып сүйлөгөн тилди жок кылат,+
4 «Тилибиз менен жеңебиз.
Оозубуз менен каалаганыбызды сүйлөйбүз.
Бизге ким кожоюндук кыла алат?!» — дегендерди жок кылат.+
5 «Бечаралар эзилип,Жакырлар үшкүрүнүп жатат,+Ошон үчүн ордуман турам да,Аларды кемсинткендерден* куткарам»,— дейт Жахаба.
6 Жахабанын сөздөрү таза,+Чопо меште* эритилип, жети жолу тазартылган күмүштөй.
7 Оо, Жахаба, аларды өзүң сактайсың.+
Ар бирин бул муундан түбөлүккө коргойсуң.
8 Адам баласынын арасында бузулгандык кулач жайгандыктан,Ыймансыздар ээн-эркин жүрүшөт.+
Шилтемелер
^ Же: «кош жүрөк менен».
^ Же: «менменсингендерден».
^ Же балким: «Жерге курулган эритүүчү меште».
